復出有價
十日袋千萬 張栢芝收貴劉嘉玲三倍
2010年10月14日
生完二少 Quintus後，張栢芝公告肚皮暫時休息，復出接戲。
個個搶食頭啖湯！本住感恩，栢芝原本答應爾冬陞，以當年《旺角黑夜》的舊價 400萬，接拍同梁朝偉合作的新戲《秋海棠》，點知大導演開戲附帶無理條件，栢芝於是以檔期問題辭演；轉個頭，黃百鳴開出一千萬利誘栢芝接拍賀歲片《最強囍事》，片酬比同片另一女主角劉嘉玲多出三倍，奶粉錢四百變一千，栢芝真係要多謝爾冬陞。
收舊價益恩師
六月 Quintus出世，坐完月的張栢芝即應周星馳邀請，帶埋大仔 Lucas到上海出席對方的動畫電影《長江 7號愛地球》記者會，事後星爺更揚言搵栢芝兩母子以千萬接拍《喜劇之王 2》。
星爺齋噏，決定復出搵奶粉錢的栢芝亦不愁冇人搵，人人希望搶到復出頭炮，其中以馬楚成同爾冬陞表現最積極，爾冬陞甚至準備好兩個劇本，俾栢芝任揀。
復出要好好睇睇，加上當年因為《忘不了》令栢芝成雙料影后，知遇之恩，栢芝最終扑槌接拍爾冬陞新片《秋海棠》，與影帝梁朝偉做對手戲。
「栢芝好感激小寶（爾冬陞）當年喺佢情緒最唔好嘅一段時間搵佢拍戲，令佢事業出現另一個高峰，所以今次再合作，完全係講心唔講錢，只係收番《旺角黑夜》個舊價（四百萬）。」一名幕後人員透露。
栢芝以昔日《旺角黑夜》舊價拍爾冬陞的新片《秋海棠》，但最終因合約細節問題，合作告吹。（《忽然 1周》圖片）
生完第二胎，栢芝帶住大仔 Lucas到上海撐星爺的動畫電影，事後對方揚言以過千萬力邀兩母子合作《喜劇之王 2》，不過無下文。（《蘋果日報》圖片）
同栢芝合作無間的古天樂，將於賀歲片《最強囍事》做一對。圖為兩人於 03年合拍《絕世好 B》。
馬楚成當年起用新丁栢芝做《星願》女主角，令她一片成名，二人識於微時。
無理條件
以為坐定粒六，點知栢芝忽然辭演。「同錢無關，純粹係小寶為咗保證佢呢部《秋海棠》係復出頭炮，對栢芝提出咗一啲好唔合理嘅要求，佢根本冇可能做到！」
由於雙方合作已公告天下，為了爾冬陞好落台，栢芝最終以「時間未能配合」為理由辭演，寧願錯過同梁朝偉合作的機會。
快執二千萬
爾冬陞傾唔成，曾經合作《星願》的馬楚成即時補位，以千萬片酬，力邀栢芝接新片《賽車》。
不過，最後飲到頭啖湯的是黃百鳴。為加強今年賀歲片《最強囍事》的演員陣容，黃百鳴不惜以千五萬十組戲，搵在國內有過億票房保證、史上最好打的甄子丹，與片酬新高七百萬、大陸票房亦憑《鎗王之王》錄得過億紀錄的古天樂雙生孭飛外，近日更以一千萬十組戲，成功利誘栢芝埋位。
栢芝千萬復出，比起同是影后三百萬鐵價接拍《最強囍事》的劉嘉玲，片酬足足高出三倍有多。再戰影圈即一口氣搵二千萬，上週四栢芝出席「奧比斯——聯邦快遞」睛彩無「障」之旅開幕儀式時，毫不猶豫捐出一百萬幫助有需要的兒童，咁疏爽，抵佢發！
栢芝復出，一口氣接兩部戲賺二千萬，上週四出席奧比斯活動，戴上白內障眼鏡體驗失明（右圖），又豪氣地捐出一百萬幫助有需要兒童。
幸福滿瀉的栢芝早前上載同霆鋒、 Lucas的合照到 facebook，據了解，有片商要求栢芝母子檔拍戲，代價千三萬。
同哥哥合照、五個月大的二公子 Quintus越大越似霆鋒。
生得做得
近幾年娛樂圈喜事重重，圈中不少已婚女星趕生 B，組織幸福家庭，生完 B繼續工作，事業、家庭，同時兼顧。
Kelly長做長有
38歲的 Kelly入行 15年，一直是天后級人馬， 09年宣布與拍拖多年的劉建浩（ Alex）結婚，翌年火速造人，誕下兒子。懷孕期間 Kelly全面休息，生完唔夠兩個月， Kelly與克勤出席《星光熠熠耀保良》窈窕復出，至今拍廣告、登台演出仍企硬一線天后價。
謝安琪生完先紅
33歲的謝安琪 05年出道做新人， 06年尾與同是半紅不黑的張繼聰奉子成婚。生完之後推出《囍帖街》及《鍾無艷》等作品突然爆紅，急升做樂壇小天后，可惜近年卻無以為繼。
吳君如想追仔
44歲的影后吳君如 06年與老公陳可辛誕下女兒陳是知，生產前仲 keep住在商台開咪做節目，生完冇耐便接拍電影《戲王之王》及《家有囍事 2009》等，更憑電影《歲月神偷》揚威國際，近期頻傳她有喜，想追仔。
張柏芝片酬收貴劉嘉玲三倍 拍戲十日賺千萬
張柏芝片酬收貴劉嘉玲三倍
張柏芝生完二少爺Quintus後，公告肚皮暫時休息，複出接戲。
本著感恩，張柏芝原本答應爾冬升以當年《旺角黑夜》的舊價400萬，接拍與梁朝偉合作的新戲《秋海棠》，誰知大導演拍戲附帶無理條件，張柏芝于是以檔期問題辭演。轉個頭，黃百鳴開出一千萬利誘張柏芝接拍賀歲片《最強喜事》，片酬比同片另一女主角劉嘉玲多出三倍，奶粉錢由四百萬變一千萬，張柏芝真是要感謝爾冬升。
留言列表
{{ article.title }}
