娛樂八掛大放送★

星遊記：黃佩霞登山尋堡 4,699 


■抵達倫敦氣溫急跌只得七度，Alman即時買衫着，難得找到至愛的駝色，她支持環保故這件只是假fur。

黃佩霞（Alman）早前到法國香水古城格拉斯（Grasse）出席周汶錡婚禮，再順道和好友伍詠薇到英倫度假。在港每天教瑜伽課堂，難得偷閒，Alman卻愛運動更勝於法國時裝，她選擇換上運動裝在Chateau Diter古堡莊園附近行山，在山上欣賞古堡美景。撰文：魯萍

黃佩霞早前飛往法國格拉斯為好友周汶錡婚禮做陪嫁姊妹，在法國逗留一星期後，再和好友伍詠薇、練海棠夫婦遊英倫，Alman說：「雖然只係住咗三晚，但已經覺得好難忘，識咗伍姑娘十幾年，都係頭一次一齊出trip去玩，我都好耐冇去英國，每次放假都陪咗老公返美國，同伍姑娘喺倫敦行街食嘢欣賞建築物，開心自在。」

■聯同伍詠薇夫婦遊倫敦行街兼四圍搵食，炸雞薯條同健康沙律有齊。 

■與好姊妹伍詠薇相識十多年，第一次結伴去旅行，當然要飲番杯。 模友嗌後悔

Alman坦言法國亦是一次難忘之旅，分享好友結婚的喜悅，更難得是相識多年的模特兒界好友聚首一堂，飲紅酒談天說地，她說：「婚禮地點係Chateau Diter古堡莊園，入面環境好靚，氣氛好舒服好悠閒，我每朝都會走去附近行山，喺香港每日都做瑜伽，一日唔做運動都唔自在，行上山望番落莊園，成個環境都好靚，其中一個model朋友跟我行山，行足兩個鐘講笑話好後悔，仲見我一個人又識得條路返古堡猛話我黐線。」

去邊度：法國格拉斯、英國倫敦
玩幾耐：11日

■法國古堡莊園環境有幾靚？Alman話要畀十個likes。 

■一看Alman裝束就知她是往行山，難得有模友陪伴，影相留念不用再玩自拍。