觸執毛音樂獨特，音樂上喜歡將不同元素放埋一齊，近年亦令佢哋由地下走上地面 fans愈嚟愈多。上週六（ 1日）在西九長廊的音樂節，除咗本地 fans外，亦有一大班外國樂迷在場支持觸執毛的演出。
搜尋氣
獨立樂隊觸執毛 香港生活好困難
好多人話香港夾 band冇前途，不過近年都有樂隊開始冒起，其中獨立樂隊 Chochukmo（觸執毛）早已喺地下樂壇響噹噹，近排更紅到蒲面，除咗有王菀之力撐，搵佢哋作咗首冠軍歌〈 Made of Water〉，成功將王菀之打造成 rock女外，連歌神陳奕迅都公開攞住佢哋隻碟話：「呢隊要支持吓！」
最威係連英國《時代雜誌》同網站 CNNGo重點推介。捱足 8年終於出頭，上週六（ 1日）觸執毛在西九 Clockenflap音樂節演出大受歡迎，難得五子冇一貫 band仔怨氣，雖口講香港生活好困難，但不忘正能量：「其實全港人都打拼緊。」教父 Paul學吓班仔啦！
讀書時我哋各自夾緊唔同嘅 band， 05年先走埋一齊組成「觸執毛」，到'10我哋好衝動咁做咗個大陸 tour，要 13日巡迴 9個城市，當時每個人的情緒及體力都好攰！我哋質疑緊自己究竟做緊乜呢？所以喺咁嘅狀態底下，就有咗個好唔理智嘅決定——「解散」。之後我哋先明白音樂係要慢慢做，冷靜咗大半年之後先復合！
以前聽過前輩講，「夾 band先夾人」，所以我哋係以朋友行先，喺音樂上都係我哋 5個一齊創作，而靈感好多時係嚟自生活上的體驗或面對嘅嘢。好似之前國民教育件事，大家都有深切體會而想去行動，其實政治都係生活嘅一部分，所以冇需要去 label咗係咪政治，王菀之搵我哋做音樂，我哋梗係開心，佢完全放手畀我哋搞，我哋最想自己音樂可以國際化，多人聽就自然算係 pop music。
其實夾 band有幾難啫？係香港生活本身就係一個困難，租金、交通，樣樣嘢都貴，好似租 band房咁，每半年就加一次租，好在我哋各人都有其他工作去維持生活，其實全港人都為生活打拼緊，我哋只想鼓勵不同界別藝術創作，要繼續做自己鍾意嘅事，即使身邊有人同你講「冇可能」都仍要堅持。 
「觸執毛」名字古怪，佢哋話：「最初係 4個人，一人寫一個字，其中一個寫自己個名出局，剩低就係『觸執毛』。」 5子年齡由 25-32歲，各有兼職，他們笑稱自己係全職生活。
左起：鼓手 Kitty Trouble、結他手 Les Hunter、主音 Jun Curious、結他及鍵盤手 Mike Orange、低音結他手 Waiting Soul
王菀之力撐
留言列表
{{ article.title }}
