樂易玲爆好多藝人回巢 TVB 晒一線星打城電 nowTV 拍古裝劇迎戰 @ 娛樂八掛大放送★

樂易玲爆好多藝人回巢
TVB晒一線星打城電

■六位候選視后視帝（左起）楊怡、胡杏兒、陳豪、黎耀祥、黃浩然和郭晉安昨日模擬投票，能否成為終極大贏家，有待17日頒獎禮揭曉。

【電視風雲之大台發威】為了盡顯在電視業的一哥地位，無綫昨日在將軍澳電視廣播城舉行台慶頒獎禮宣傳活動，一眾獲提名視帝視后的黎耀祥、陳豪、郭晉安、黃浩然、胡杏兒和楊怡等一線藝員及半百藝人撐場，湊巧魔童王維基同日舉行節目巡禮，雖然城電動員全台逾百藝員出席，不過當中以二、三線藝員居多，人強馬不壯。無綫高層樂易玲昨更大爆有過檔城電的藝人想回巢，她說：「我哋當然welcome！」

■無綫高層樂易玲透露有已過檔藝人愛回家，她坦言歡迎。

無綫《萬千星輝頒獎典禮2012》將於本月17日在將軍澳電視廣播城舉行，當晚將以一人一票方式選出觀眾心目中的視帝、視后和最佳劇集。無綫昨日在將軍澳電視廣播城舉行台慶頒獎禮宣傳活動，一眾獲提名的藝員包括黎耀祥、陳豪、郭晉安、胡杏兒、楊怡、羅仲謙、謝天華、黃浩然、胡定欣和古明華等半百藝人撐場支持。
對於被指對撼城電昨日的造勢活動，無綫助理總經理區偉林說：「唔好用對撼呢啲字眼，我哋只係做我哋應該做嘅事，最初嘅出發點冇意料同事喺大馬會贏到咁多獎項，對我哋嚟講係一個喜訊，所以咪即刻商量搞一個祝捷會，等廣大嘅觀眾睇到，呢件事係由咁樣開始。」

■無綫昨出動半百藝人力撐頒獎禮活動，以人氣力壓城電晒冷活動。「好多人想愛回家」

無綫製作資源部總監樂易玲則爆有過檔城電的藝人會回巢，她說：「聽講好多人想愛回家喎，我哋當然welcome，作為呢度嘅家長，唔使令佢哋難做，靜雞雞搵我哋就得，如果佢哋真係有咁嘅困難，我哋都好願意幫助。」問到愛回家的名單？她笑說：「唔講你知，唔好令佢哋難做。」據知不少藝人將在2013、14年約滿無綫後過檔城電，問她會否趁機挽留？她笑笑口說：「我諗冇乜人想走喎，我哋對佢哋咁好，如果覺得未夠好，咪對佢哋好啲囉，每個人都有佢哋嘅合約，有選擇去留嘅原因，呢個係我哋同嗰位演員嘅私隱，唔可以講。」

無綫安排現場半百藝員進行模擬投票，為頒獎禮舉行前哨戰，選出最想咀咀主角，結果在一人一票的情況下，胡杏兒以15票勝出，並從有份投票的藝員中，抽中梁烈唯為得獎者，杏兒隨即獻吻，並預祝唯唯獲得飛躍進步男藝員獎。
胡杏兒說：「冇諗過咁多人，多謝輝哥（張兆輝）話暗戀我，真係有taste。我係噚晚先知要出席，不過呢個game幾好玩，係完完全全交畀觀眾去投，今年真係特別刺激緊張。」

■盛傳黎芷珊（左）取代吳綺莉主持商台節目，昨兩人碰面並無芥蒂。

■胡杏兒（右）和楊怡開心抱抱。

■昨日舉行的「最想咀咀主角」選舉，由胡杏兒勝出。杏兒盼爆冷封視后

問杏兒是否增加信心爭視后？她說：「我都會幫自己拉票，突然間都覺得自己有機會爆冷，有啲fans同我講，喺啲討論區我係最高票數，我盡力喇，交畀觀眾去揀。」
黎耀祥亦被問到會否選情告急？他笑說：「呢啲係觀眾嘅選擇，冇話告唔告急，我哋嘅選舉唔同議員，我哋已經係有一個完成作品，只係睇觀眾鍾唔鍾意，呢個係幾好嘅意見調查，知道觀眾嘅口味。」
區偉林公佈台慶頒獎禮投票方式，觀眾可在無綫官網投票，投票時間為本月10日下午3時開始，直到本月17日凌晨3時結束，所有投票人士需提供香港身份證號碼及手機號碼，區偉林說：「今次投票嘅時間比較長啲，而且又做咗好多測試。」
採訪：何慧斯　攝影：陳慧安

花絮：卿卿幫無綫打仗 31,255

盛傳被曾志偉力邀拍劇的葉玉卿，昨日突然現身無綫電視城並接受訪問，她笑說：「今次係我第一次入嚟，以前試過喺清水灣幫無綫做talkshow同做司儀。」湊巧她的老友吳綺莉亦現身無綫，問卿卿有否安慰她？她說：「可能佢唔適合做DJ喇，我唔知點解佢會話俾人炒咗，我覺得佢仲可以摸索，睇吓自己邊方面有潛質。」至於吳綺莉曾被捲入車震事件，卿卿直言：「我唔信。」

花絮：張慧雯涉毒憔悴 30,965

因涉藏毒而被停工的張慧雯，昨突然現身活動，不過她只逗留一會兒便離去，其後再折返接受訪問，略帶憔悴的她被追問心情，她說：「我好緊張，好驚件事，我見到嗰啲嘢好驚，我係警方發現咗先話畀我聽，好surprise。」她稱案件正在調查中，她說：「我冇做過，唔怕演藝事業有影響，停工唔代表冇晒希望，人係要往前看，只要經一事，長一智，將來要帶眼識人。」

陳宛蔚七彩谷咪　撐王維基 25,190

【今日我至胸】錢國偉女友陳宛蔚噚日性感谷胸出席香港電視嘅酒會，波濤「胸」湧搶盡風頭。

【電視風雲之艷光壓場】城市電訊（CTI）主席王維基遲遲未獲政府發免費電視牌照，但雄心壯志的他未發牌已孤注一擲，除了高薪挖走藝員外，又揼本開拍多齣劇集，為迫使政府盡快發牌，王維基昨晚出動三、四線女藝人谷胸撐其公佈台徽及命名記者會，當中以錢國偉女友陳宛蔚最搏命，力谷巨咪撐維基。

有電訊魔童之稱的王維基09年已向政府申請免費電視牌照，雖然行政會議一直未拍板落實發牌，但雄心壯志的王維基不惜孤注一擲，高薪挖走無綫藝員，又揼本開劇，並打算豪擲六億元作興建電視及多媒體製作中心的用途。

■不少等上位的小花及李中希昨日都盛裝赴會。女星賣大包

但日日燒銀紙令王維基苦不堪言，連日來都不斷發功炮轟政府，昨日在尖沙嘴更大晒全台逾百藝員出席其公佈電視台台徽及命名為「香港電視」的記者會。全台逾百藝員畀面出席記者會，當中三、四線女星都賣大包，力谷咪咪來撐場，錢國偉女友陳宛蔚最搏命，穿上七彩低胸裙出現，即時大搶風頭，其他缺乏知名度的小花如李靄璣、范彩兒、何詠雯等都作超性感打扮，以行動來撐王維基到底，令現場艷光無邊。而秦沛兒子姜文杰和女兒姜麗文，兩兄妹昨晚獻唱娛賓，姜麗文更以低胸火紅晚裝裙示人，大晒事業線。

余慕蓮、陳曼娜、石修和元華等實力派藝員昨晚亦撐場，陳曼娜化身成瑪莉蓮夢露現身，大擺誘人甫士，信心爆棚。余慕蓮一向被迫以醜化形象示人，但昨晚她盛裝出現，她語帶相關說：「以前要我扮醜做垃圾婆，呢度就要我扮靚樣。」元華在台上發言時，大讚新公司說：「我哋元家班最講尊師重道，呢度好尊重演員有情有義。」
採訪：卓寶花、黃曉妍
攝影：仇志中、葉君海

亞視靠合拍劇造勢 15,282

■（左起）黎燕珊、羅霖和葉家寶昨日齊出席亞姐大中華區總決賽記者會。

亞視高層葉家寶、黎燕珊和羅霖等昨日在大埔總台，出席ATV2012亞洲小姐競選大中華總決賽記者會，城電昨日舉行晒冷記者會，問會否受到威脅？葉家寶說：「唔會假設，我哋一直否決政府發免費牌照，電視台單靠藝人唔得，要台前幕後各方完整組合，家電視台唔會簽死藝人，亞視已創咗先例，將來唔排除同無綫有合作。」

羅霖退出仁美清敍

有指亞視沒製作兼藝人短缺，葉家寶死撐說：「唔可以講亞視冇製作，我哋走良心路線，都好多自製節目，等觀眾有另類選擇，家仲同內地單位傾合拍《慈禧》，鮑姐（鮑起靜）係亞視人，希望搵佢同歷屆亞姐演出。」
近期亞視被狠批公器私用，葉家寶說：「亞視係開放平台，絕對唔會公器私用，任何立場同界別都可以公平討論。」
此外，黎燕珊指自己形象太亞視，不容易轉工，並透露由歷屆亞洲小姐組成的仁美清敍下月將重選會長和改會章，而跟她傳不和的羅霖則說：「自己喺仁美服務咗三年，以前會章唔係咁，家有少少變化，所以我會功成身退。」
採訪、攝影：卓寶花

nowTV拍古裝劇迎戰 15,605

■何麗全和黃婉曼等昨日現身介紹nowTV新節目。

黃婉曼和區永權等昨日於柴灣出席nowTV節目《撚價》記者會，提到昨日城電晒冷似逼政府發牌，有份出席的電訊盈科首席副總裁及製作部總經理何麗全，對於發牌事件表示不方便回應。

黃婉曼晒咪撐發牌

對於王維基仍未得免費牌已不停開劇，何麗全說：「王維基咁聰明一定有佢自己盤算，呢個世界唔會得只識燒錢嘅人！」他更透露nowTV亦將於明年三月開拍由梅小青監製的古裝劇，詳情下月公佈。
大騷事業線的黃婉曼表示服飾由公司提供，她說：「天生冇辦法，呢兩年大家焦點都喺嗰個位，我家努力去sell我嘅智慧畀大家欣賞。」黃婉曼更表示剛與now續約兩年，人工有大加幅。近期免費電視發牌事件，黃婉曼說：「我當然支持喇，多幾間電視台先有競爭，可以做多少少有質素既節目。」區永權同樣支持免費電視台發牌。
採訪、攝影：王崇穎

有線娛樂平台食糊 15,121

■曾展章（左）示意有線隨時備戰，合作無間的梁思浩估計會相助。資料圖片