FACEweekly

年頭送大禮　吳雨霏

2012年12月05日 ~~ 第289期 Face

成日話今個月 21日地球末日，但鬼妹仔性格的 Kary吳雨霏未曾驚過，第 2個唱擇日 2013年 1月 8至 9日紅館開騷，除了積極修身，更狂操 kick boxing練氣跳勁舞，旨在如個唱主題《 The Present》一樣，送份大禮畀觀眾，唔知個唱到時會唔會學大相個唱宣傳照一樣，踩降落傘落紅館咁厚禮呢？

1.為何個唱叫《 The Present》，想送禮物畀粉絲？


《 The Present》有「禮物」及「當前」雙重意思。入行 10年喇，個市咁差，都仲好好彩可以出到碟，係一種 blessing，個唱就當作一份禮物送畀大家。唔理成果，最緊要盡力能活在當下就好開心，都係求開心啫。

2.個唱將如何施展渾身解數？




雖然我大部分都係情歌，但我同是次音樂監製王雙駿傾過，有計劃重新 remix，在跳舞環節表演。現在每日都舉重個幾鐘，然後跑 50分鐘步，我覺得要有啲肌肉跳舞先靚，好似上星期去睇美國歌手 Jennifer Lopez香港表演咁，好羨慕佢啲肌肉。 

3.身為時尚人，又有甚麼靚衫出動？




上年第一次個唱我好緊張，乜都要理，得到的教訓是令自己好累，所以我今次放手畀大家做，衫就繼續交畀我的好友 Art Director馬天佑負責，不過我通常係開騷最尾兩日先知有乜衫，哈哈。今次個唱有計劃同爸爸主理的品牌 Tee Locker推出紀念品，到時大家就會知喇！ 

4.假如能隨着降落傘降落，最想飄到哪裏？


降落傘照片原本用在上次大碟《 My January》，因為影得好靚，決定抽起留在個唱 poster上。我好想隨降落傘飄到冰島，未去過之餘，仲好想睇北極光。

5.一生人收過最難忘的禮物是甚麼？


好記得前網球手男友曾經送給我的一隻碟，入面有晒我哋曾經影過嘅相同短片，真係好 sweet，不過我睇咗兩次咁大把，唔敢睇咁多啦，怕唔捨得呀哈哈。新曲〈人非草木〉就是表達自己愛情觀，雖然失去，但也不應該傷心下去。

6.假如末日不來臨，你會如何慶祝？




當然繼續努力個唱，個唱後已經有工作喇，就係要錄一隻全部自己監製的唱片，我會自己一個離開香港搵靈感寫曲，可能又會去印度。我又好想試吓拍動作片，因為睇完 Maggie Q套《 Nikita》，覺得做打女好有型！ 

撰文：陳家豪

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄