啱啱 29歲的孫丹菲，擁有 5呎 8吋索模身形，唱歌又勁，唔入娛樂圈發展嘥晒。而丹菲亦曾於 G-Dragon也就讀過的慶熙大學後現代音樂系，能操中文及英文，超有料。
韓面
孫丹菲 舞孃發火
今年韓國樂壇單飛女歌手特別吃香，新女有純情派 Juniel同實力派 Ailee，而最近終於輪到性感天后孫丹菲（ Son Dam Bi）回歸同班後輩火併。
現年 29歲、有「女版 Rain」之稱的孫丹菲， 07年出道至今，唱 hip hop同 R&B瓣瓣精，勁舞更係佢強項。 5呎 8吋高的她，最鍾意 sell 43吋長腿。上月中闊別樂壇 2年的她，終於回歸樂壇推出新碟《淚流》，最近密密上音樂節目扭晒腰性感演繹同名新歌〈淚流〉，一於谷到行。
現年 29歲的孫丹菲， 07年出道，雖然 24歲先入行比較遲，但孫丹菲勝在樣夠索又性感，處女跳舞歌〈 Cry Eye〉一早已 hit爆韓國，當年氣勢更直迫女神始祖李孝利。除於樂壇紅爆，由上年開始仲全面殺入電視界，拍攝 MBC電視台 64集長劇《光與影》，由於要專注拍劇，丹菲更停止所有歌唱活動一心一意做女優。
唱歌晒腿
難得今年有碟出，最近丹菲便以性感打扮，騷長腿到《人氣歌謠》及《 Show Champion》等表演新歌〈淚流〉，谷到盡。
砌低 PSY
新曲〈淚流〉除於韓國大 hit，最近還於中國大陸的音悅頻道嘅韓語歌流行榜佔冠軍， PSY嘅〈江南 Style〉都要讓位。
紅到強國
𠵱家就艷光四射，但讀高中時，丹菲好明顯係單眼皮，加上鼻尖面尖，睇落有啲似老鼠安。
丹菲闊別樂壇差唔多兩年，大把韓男 fans等到頸都長，上月 12日終於推出全新 EP《淚流》應市，主打歌〈淚流〉就走一貫丹菲走開的 hip hop跳舞歌路線， MV唔只於韓國電視台密密播，而此曲於上週更在中國大陸的有綫電視台音悅頻道中的韓語歌流行榜成為 no. 1，回歸樂壇即紅到過中國。
食泡菜 keep fit
34C、 24、 35嘅丹菲有胸、有籮又有腰，身材 fit到漏，唔怪得韓國《 Men’s Health》雜誌都搵佢影健康性感相。
孫丹菲除身材 fit，皮膚仲勁白滑，最大秘訣除她肯花大量時間做運動，原來閒時她愛食泡菜幫助 keep fit。
1.睡眠時間：一天盡量睡眠 8小時。
2.飲食：盡量少食油分多的煎炸食物，多食水果及蔬菜，肉類多食白肉，可令消化系統暢順；而每餐必食少量泡菜，因泡菜含辣椒，可助血液循環而促進新陳代謝，皮膚都光滑啲。
3.運動：平時就算多忙，每星期都要抽 5小時做帶氧運動。而丹菲每日練舞起碼 3個鐘，唔 fit就假！
CM賣長腿
樣靚身材正的丹菲更加係廣告商搶手貨，最近就騷長腿幫韓國 Ocean World做代言，據知 𠵱家丹菲每個廣告酬勞收 100萬港幣，屬於天后價。
撈埋長劇
由上年開始，丹菲幫 MBC電視台拍攝 64集長劇《光與影》，套劇內容由 60年代講到現代，劇中丹菲同男主角安在旭（小圖）仲有大膽咀戲。此劇已於今年 7月播完，丹菲先有時間重返樂壇發展。
死練小丑舞
𠵱家就貴為韓國樂壇首屈一指的勁舞天后，但原來丹菲條舞孃路線走得不易。
Hip hop舞跳到冇甩轆的丹菲，原來於 7年前曾專程遠赴美國，學習美國黑人 krumping（小丑舞）技巧，但因為跳 krumping舞需要大量體力，起初跳極都跳唔出理想效果，不過由於丹菲同一般韓妹一樣，擁有唔認輸精神，結果死練爛練下，終於跳出勁有爆炸力 krumping。 𠵱家丹菲跳舞跳到出神入化，唔怪得韓國傳媒都幫佢起朵叫「女版 Rain」啦！ 
留言列表
{{ article.title }}
