有傳「關二哥」梁烈唯最近牽涉入一宗醉酒鬧事事件中，據聞當晚佢同洪天明、范振鋒同兩個女藝人去銅鑼灣某夜店玩，當晚唯唯玩大話骰成日輸，好快俾人灌醉，之後同一個女藝人發生咗啲不快事件，有傳天明為幫女藝人出頭情急下動手，同唯唯發生身體碰撞。其後個女藝人報警，將結婚嘅唯唯曾向女藝人道歉，仲應承賠償精神上損失。

關婉珊口窒窒
馮仁昭噚日打畀喺上海嘅天明問個究竟，佢話：「第一，嗰間酒吧唔係我；第二，我冇出去玩過；第三，以我所知當日唯唯喺屋企，冇出過去玩。有人作到離晒譜，呢啲傳聞由得佢。」而范振鋒就話：「印象中冇，天明婚後冇出嚟啦，加上唯唯咁靚仔都唔使。」唯唯就否認同非禮事件有關：「冇呢件事，你哋應該問當事人。」提到關婉珊唯唯煞有介事，問係咪覺得有人放料？佢話：「冇任何睇法。」被指在場嘅女藝人關婉珊，對於有傳遭強吻，就口窒窒否認話：「都冇，同梁烈唯唔熟，同天明多啲見。咁啱我最近拍《法網追擊》話我俾人非禮，如果係我一定即場鬧佢。」件事已驚動咗無綫高層，據悉由於唯唯係無綫重點栽培藝人，無綫唔想搞大件事，仲要求女事主大事化小。無綫外事部副總監曾醒明否認有藝人涉及非禮事件：「梁烈唯話上周五喺屋企，答嘅時候神態自若。到目前為止，警方冇搵過梁烈唯或要求無綫協助調查。」

唯唯憑關二哥一角上位，有傳佢闖禍，無綫都想保住佢。

梁烈唯上月28日出席活動時右眼角泛紅。

無綫女藝人關婉珊否認涉及爭執事件，但佢話如果被非禮，絕對唔會啞忍。資料圖片

天明講起疑似爭執事件都幾勞氣，話自己同唯唯都冇去玩。

梁烈唯傳涉刑事案一頭霧水

無綫男藝員梁烈唯（唯唯）傳涉及一宗刑事案，唯唯昨日在電話中否認：「起初都想一笑置之，點知先傳非禮，後傳非禮加毆打，最後傳強姦，朋友都發短訊問候，屋企人都擔心，我覺得好困擾、好唔開心，怕會影響形象。到目前為止冇人聯絡過我，有諗過去警局了解件事，但又唔知去邊間。我唔知係咪有人惡作劇，總之覺得成件事好無辜、好無厘頭。」

無綫外事部副總監曾醒明則說：「案件係上周五喺酒吧發生，經理人話梁烈唯忙開劇，根本冇時間去酒吧，對於傳聞佢哋都摸不着頭腦，若果真有其事，警方都會聯絡梁烈唯或者TVB，但到依家都冇收到通知。」有傳事件涉及一名關姓女藝員。

梁烈唯原本昨晚有劇拍，但臨時取消。（資料圖片）

梁烈唯：好困擾

無綫男藝員梁烈唯（唯唯）被傳涉及上周五發生的一宗刑事案，唯唯坦言傳聞令他大受困擾，更影響到家人，他稱欲主動聯絡警方了解事件。

梁烈唯坦言無端捲入是非令他受困擾，令家人和朋友都很擔心他。

唯唯早前憑電視劇《缺宅男女》「關二哥」一角建立人氣，近日卻無端捲入是非，他昨日在電話中表示：「起初我都想一笑置之，點知先傳非禮，後傳非禮加毆打，最後仲傳強姦，朋友都發短訊問候我，屋企人都擔心我，我覺得好困擾、好唔開心，怕會影響形象。其實到目前為止都冇人聯絡過我，我有考慮過親自到警局了解件事，但又唔知應該去邊間。我唔知係咪有人惡作劇，總之覺得好無辜，成件事好無厘頭。」