3/5
雖然肚子變大兼腳腫，但千嬅仍然無乜走樣。

預產期在六月中的楊千嬅，上月完成《春嬌與志明》宣傳後，全面停工待產，體重已升到一百四十多磅的她，被老公勒令留家安胎，避免走動操勞。
佗巨肚，但千嬅偏向自然分娩，目的是爭取身體復完較快，心急復工，因為有九個廣告等住她埋位。由於第一胎易早產，丁子高book定港安、養和及瑪麗三間醫院，由五月中至六月中不同時間有齊，萬無一失。

擸得就擸
不少媽咪因為怕痛怕辛苦，大都選擇開刀生BB，但三十八歲的楊千嬅，卻主張自然分娩。自然分娩時間無準，為免倒瀉籮蟹，丁子高採取漁人撒網 做法。
「丁生真係好緊張，佢一早book咗三間醫院，港安、養和同瑪麗，三間醫院都book咗唔同時間，醫生講咗預產期係六月中，佢就由五月中到六月中都book齊，佢話驚BB會提早出世，所以book多幾間醫院先安心！」千嬅身邊人說。
對於有意採用自然分娩一事，千嬅說有此想法。「如果可以順產最好就順產啦，但要視乎BB轉到邊個位，醫生一路睇實情況，我自己做過護士最清楚，自然生只係痛一次，開刀生完之後，入面傷口復元時間要好長，痛嘅時間都耐啲，亦無咁快可以做番運動，可能要成兩個幾月先完全康復，所以順產對媽咪身體係好好多！」雖然如此，但據知醫生卻建議千嬅開刀，連丁子高接受電台訪問時，亦聲稱開刀分娩機會較高。

多食頂胃
佗巨肚的楊千嬅現時體重超過一百四十磅，大多時間都留家休息，為打發時間，丁太經常入廚，早前更在微博放上親手煎的羊扒和炸薯條照片。「成日喺屋企，梗要搵啲嘢做吓。媽咪同奶奶都想我食多啲嘢，但係自己個胃唔係太好，食得太多會頂住，所以都係少食多餐，佢哋怕我營養唔夠，煲好多湯水俾我飲，大肚婆未食得補品，主要都係飲海參湯同魚湯，海參好高蛋白質又滋陰，對孕婦好好，以前我最唔鍾意飲奶，但依家我日日都會飲一盒，吸收鈣質俾BB！」千嬅說。相比剛生完小籠包的陳慧琳，千嬅個肚明顯大得特別快。「媽咪同奶奶話我個肚比較尖，所以側面睇特別大，正面同後面睇其實唔係好覺，醫生都話一百四十幾磅好正常，我覺得BB可能係似老公，骨架橫啲！」

會似老豆
佗住金笸籮，楊千嬅手氣亦旺，電影《春嬌與志明》收二千八百萬，過去半年，接洽了多個廣告，兩部電影，全部等她生完復工。「BB真係好旺，呢幾個月，有成九個廣告同兩部電影傾千嬅拍，好似飲品、食品、護膚品、美容院、BB食品用品，其中有兩個廣告想搶閘拍定先，但千嬅個肚太大，唯有押後，如果千嬅生完復元得快，就可以早啲開工！」知情者說。

順產好處多
有醫學界研究指出，孕婦開刀的風險會比順產高出10至20倍， 根據專業婦產科醫生表示，大部分的產科醫生都會建議孕婦在可以的情況下自然分娩。「開刀同順產，如果單講個傷口計，復元時間差唔多，因為就算順產都會剪開產道，一樣會有傷口，一般埋口大概要個幾月，視乎孕婦本身身體狀況。整體嚟講，因為開刀係比順產流多好多血，開刀復元時間長啲，要食多啲補品補血，尤其本身有貧血嘅，就更加要注意，相反，順產嘅話，整體復元會快啲，風險亦冇咁高。」 ####

 


上週四，千嬅約了友人到銅鑼灣世貿飲茶，從側面睇，千嬅肚如籮大，行路十分卡通。


千嬅媽咪主張女兒食多啲，每天都會為千嬅煲湯進補。


在老公培訓下，千嬅愛上跑步，她希望生完B仔後能盡快跑步keep fit，以最佳狀態復工。


去年八月，千嬅未有孕，穿着bra top連身裙出席活動，身材甚fit，據知，已有纖體公司傾她產後做代言人。


去年十二月底，有咗三個月開騷的千嬅，腹部已微隆。


被指唔多覺大肚的Kelly，分娩前體重只有一百三十多磅。


千嬅一家十分期待龍B出世，而丁子高的父親稍後亦會來港探新抱及孫仔。


三月中，千嬅出席《春嬌與志明》在會展的首映禮，當時的她懷孕約六個多月。


大肚婆要爭取營養，千嬅與老公外出晚飯後還打包食物回家。（《忽然1周》圖片）


當旺媽媽楊千嬅，與余文樂主演的《春嬌與志明》，香港加埋內地票房過億。


懷孕後千嬅特別受保護，出席活動便有幾個人爭住照顧她。（《蘋果日報》圖片）


謝安琪也是順產誕下兒子張瞻。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄