佢是非多，啲人會信嘅！（設計對白）唔好拉我啲客落水。（設計對白）（《蘋果日報》圖片）

真實謊言 戴夢夢原本有計劃今年底，與拍拖三年的男友陳定邦（陳果齊兒子）結婚，早前卻爆出傅穎介入，以致二人分手。不過，有指戴夢夢其實早於去年底開始，偷食有翻版林峯之稱的湖南衞視主持魏蘶，並不時以工作為藉口，飛去北京與對方見面；直至今年初，陳定邦發現，於是提出分手。但戴夢夢卻利用曾經搵過前度睇風水的傅穎，將自己由紅杏出牆變換成俾人撬牆腳，擾亂視聽。

 
被未婚夫發現偷食後，夢夢將跟魏蘶（右一）放在微博的合照全部剷走，早前二人在內地夜蒲亦只敢隔住朋友影合照。

食過翻尋味
浮沉二十年，去年開始轉做幕後擔任經理人的戴夢夢，早前突然爆出被傅穎搶男友，原有計劃做十月新娘的她，更以受害者身份，暗示跟對方不再是朋友。但有知情者卻指出，去年尾戴夢夢與內地藝人魏蘶搭上，又頻飛北京「偷食」，是一手破壞三年情的真兇。「今年開始，夢夢去北京嘅次數愈來愈頻密，去親都留成六、七日，試過有次同Clement（陳定邦）講話喺北京做嘢，點知俾男友發現佢其實去咗西寧，兩個人為咗夢夢成日唔喺香港嘈過好多次，不過Clement一直都唔知真正原因，直至夢夢公司有同事無意中踢爆佢同魏蘶撻着咗，佢先醒。其實夢夢都唔係第一次偷食，兩年前佢仲有出唱片嗰陣，試過同拍MV嘅對手German（張文強）搞埋，仲俾Clement發現佢哋兩個啲情慾短訊，嗰次夢夢用咗好多理由先過到骨，但今次Clement就真係接受唔到。」知情者透露。

先下手為強
未婚妻一錯再錯，陳定邦決心斬纜。本來已訂好十月二十日在澳門四季酒店擺酒，但喜宴亦已改為齋宴。「Clement提出分手之後，夢夢就喺外面放風暗示係傅穎搶佢未婚夫，其實傅穎只係搵過對方睇風水，Clement話佢是非多，叫佢多啲去佛堂唸經，兩個人最多見過四次，仲要次次都係一班人。夢夢想掩飾自己對男友不忠，加上魏蘶幫佢搭好路去北京發展，佢想要多啲人氣，所以擺咗傅穎上枱。」上週五（五月四日）下午一點，在新城電台做完節目準備離開的陳定邦，對前度北京偷食魏蘶一事作出表白。「我冇證據，不過好多朋友有同我講過。（知唔知魏蘶幫夢夢搭路，佢仲辭咗份工，諗住長時間喺北京發展？）唔知，我咩都唔知。但我覺得今次件事最無辜係Theresa（傅穎），佢只係我其中一個客，絕對唔係第三者，我真係好抱歉。」之後，陳定邦說要趕開工，匆匆離開。

童星到暗星
童星出身的戴夢夢，七歲跟亞姐翁虹合作電視劇《香港奇案之烹夫》入行，其後二人正式上契。01年她參加全球華人新秀歌唱大賽香港區選拔賽，進入八強後出局，同年，翁虹宣布跟她斷絕誼親關係，有指夢夢唔聽話，令契媽翁虹心死。04年，戴夢夢終有機會出唱片，但發展一直停滯不前。做暗星，但卻當正自己是娛樂圈警察，曾公開指責09年正在上位的周秀娜出的寫真集意識不良，教壞細路。　　去年，戴夢夢轉做經理人，但遭到旗下藝人Yumi（尹蓁晞）指她辦事不力，被男友求婚的Yumi後來索性退出娛樂圈。 ####

 


師傅呢單是非點避？（設計對白）（《蘋果日報》圖片）


偷食翻版林峯魏蘶


夢夢轉做經理人後，不時帶住趙碩之（左），以及尹蓁晞（右）出席活動，後者因不滿她工作能力而離開娛樂圈。（《忽然1周》圖片）


魏蘶跟不少圈中人熟絡，苗僑偉返內地開工，魏蘶也會找他做訪問。


戴夢夢一○年跟楊盼盼徒弟張文強合作MV後撻着，張文強更將當年新買的牧羊狗（下圖右）改名叫Renee，跟夢夢的英文名一樣。


偷食MV對手張文強


魏蘶生日，夢夢在微博祝賀，雖然短短兩句，但已證明二人關係非淺。


分手後，陳定邦表示已經沒有跟前度聯絡，更不知女方會離開香港到內地發展。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄