范姜陪住囡囡親子畫畫，鍾懿畫畫吓已急不及待親親媽咪。

親親媽咪 母親節將至，你預備好送什麼禮物、有什麼行動去表達你的心意？以為名人家庭母親節一定與別不同，誰知照顧着B哥一家六口的范姜，竟然話不打算大肆慶祝，她說：「只係一家人食餐飯，平淡才是福。」  

自製禮物
B哥鍾鎮濤和女友范姜雖然仍未完婚，但兩人維繫的六口之家，一直生活得和諧，只是偶爾發生B哥和前妻章小蕙的是是非非。作為四子女之母的范姜，維繫家庭最重要是愛，「只係生而唔教佢哋係唔得。」除了B哥與前妻章小蕙的一子一女，范姜又替B哥生了兩個女兒，七歲的鍾懿向來表情多多又愛畫畫，她說要趁母親節畫一幅畫來送給媽咪，鍾懿還一邊畫一邊說：「我仲好鍾意唱歌。」坐在旁邊，一臉有女萬事足的范姜說：「每年嘅母親節，都是同家人食餐飯。」此時鍾懿天真地搶住說：「我想買禮物，但係我細個唔可以出街，怕有拐子佬，我想買蛋糕俾媽咪，同爹哋一齊食。」至於B哥和前妻章小蕙所生的一對仔女嘉浚和嘉晴，不經不覺也一起生活了十五年，每年母親節范姜都收到他們親手做的心意咭，范姜說：「佢哋唔會亂花錢買嘢，多數做些小手工畫張咭，最緊要係佢哋嗰份心意。」

無分彼此
哥哥嘉浚在美國加州讀書，現在只湊三個女的范姜，每日幾忙都好，晚上一定與兩個女兒鍾懿和鍾幗一齊沖涼，至於已讀中四的嘉晴，做完功課溫好書，臨睡前會同范姜傾吓少女心事，「嘉晴依家大個女，有自己的想法，佢同我會傾吓將來想讀邊科，佢好想去台灣讀書，依家都安排緊幫佢搵緊大學。」當年未婚又未生的范姜已肩負媽媽的角色，湊大嘉浚和嘉晴，做人後母辛苦嗎？范姜不用思索便說：「我從來都唔覺得辛苦，只要用心對待，佢哋會感受到，就算唔係我生，但佢哋都係我嘅親人，不分彼此。只係生而唔教佢哋係唔得，我同B哥嘅家庭充滿愛，大家日日都嘻嘻哈哈好開心。」

賺錢買錶
至於龐錢景峰，他八年來一直在外國讀書，今次難得在香港過母親節，他已訂了中環置地的法國餐廳Robuchon和母親郭秀雲撐枱腳。

 
十三歲已先後去英、美讀書的龐錢景峰（Andrew），現停了一個學期留港在天機公關公司工作攞經驗，九月才返美國UCLA繼續讀工商管理。他見賺了錢，今年母親節便用萬多元買了隻萬寶龍Grace Kelly系列腕錶給媽咪郭秀雲，「Grace Kelly是摩納哥王妃，又曾經係一個演員，媽咪又係演員，襯到阿媽呢種高貴。」兒子用心良苦，已經收了禮物的郭秀雲卻毫不客氣地說：「我寧願佢儲錢。」其實龐錢景峰未賺錢前，母親節多自製禮物，「做過相架，在牛奶瓶畫圖案。」最難忘是十六歲時，在英國學人上網學做了一隻貓頭鷹公仔寄給母親，他說：「大家鍾意雀所以整，做法好簡單，聯埋塞啲棉花入去就得。」郭秀雲保留至今，不過Andrew當年為了令貓頭鷹看起來大隻一點，於是將毛梳鬆了後，再用噴髮膠定型，結果郭秀雲每次拿起𡃁黐黐的貓頭鷹後都笑話：「點解啲毛硬晒，佢可能噴咗半樽噴髮膠。」 場地提供：Lalique

顧美華　不稱職母親
八四年憑電影《似水流年》奪香港金像獎最佳新人獎的顧美華，這個母親節，寧願與已為人母的女兒葉宣廷，坐埋一齊翻翻舊相簿，傾談心事，「千祈唔好帶我周街行，仲要買紮花拎住好辛苦。」 場地提供：The Pawn

心理補償
和前夫育有兩女，今年已經六十歲的顧美華，大女葉宣廷（Ali）都已三十九歲，有個十三歲女兒和七歲兒子。話晒Ali在單親家庭長大，顧美華也有點自責。「當時掛住拍電影，無乜點理佢，但佢讀書永遠頭二、三名，後來入咗Columbia（大學），佢一係唔做，做就全力以赴。」Ali報讀大學時想讀art，在母親阻撓下轉讀經濟。顧美華回憶說：「我只講句搵唔搵到食，佢就無讀art，都有啲犧牲。」Ali安慰說：「唔算犧牲，我聽話。」女兒讀完大學，在私人銀行做了五年便全職做家庭主婦。顧美華推測此舉與她離婚有關，「喺佢心目中，細路最重要，當年我做唔到，佢做到我都開心。」不過Ali說從來無嬲母親，「佢有佢工作，都正常合理。」

互相訕笑
顧美華講明母親節不要逛街，只想煮飯給家人吃，「想享受以前落手落腳，煮嘢俾佢哋食嘅時刻。」以為她廚藝了得，Ali踢爆：「我打電話問佢點煮，佢話唔知，叫我煮第二樣。」顧美華反駁：「我識煮唔識講。」兩母女還互爆瘀事，顧美華笑女兒很百厭，「試過去打麻雀發現朋友間房有水走出來，原來佢話人哋間屋污糟，攞花灑幫人洗屋，又用爽身粉淋雀友個仔。」Ali辯稱：「佢話想做雪人。」Ali又笑母親是嬰兒殺手，「我第一次坐月，將三個月大嘅女放喺佢度，一出門口個女就碌落床。」顧美華自爆試過替孫女沖涼，塗肥皂後將她跣了落地，「Ali問我點解佢喊，我話唔知。」所以Ali覺得母親投身演藝事業不做家庭主婦，是正確決定。 ####

 


愛嗲媽咪的鍾懿，最後畫了一幅小鳥（小圖）的畫送給媽咪。


表情多多的鍾懿，𡃁吓頭畫什麼好呢？


今年二月B哥生日，女友范姜和三名女兒嘉晴（左一）、鍾懿（左二）、鍾幗（左三），打扮成豹紋家族慶祝。


范姜抱住年幼的鍾懿，經常與B哥和大女嘉晴遊玩，而在美國讀書的嘉浚（小圖）放假會回港團聚。


啦啦啦喜歡唱歌，經常跟爸爸上台表演的鍾懿，拿起咪便手舞足蹈唱歌。


鍾懿唱唱吓，又遞咪給媽咪唱。


影相時，郭秀雲拿着兒子手製的貓頭鷹，齊齊O嘴搞氣氛。


今年他送萬多元手錶給母親。


月初紐約大髮型師Frederic Fekkai（左）來港，兩母女孖咇去見他。


顧美華因拍夏夢（右）出品的《似水流年》，而獲最佳新人獎。


十九歲的Ali（上圖）似足年輕時的母親。


顧美華二千年和丈夫Andy一齊去ball。


Ali的一對子女會畫咭賀母親節。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄