上星期五（四日），陳豪陳茵媺拍拖出席寶馬新車發布記者會，雖然唔似得頭一次行孖咇有八十萬厚酬，但要陳氏伉儷一齊出現，冇五十萬都免問。


有拖拍又有快錢搵，雙陳全程笑到見牙唔見眼，尤其係陳生，女友俾大班傳媒圍住嗌陳太，佢更加笑到人仰馬翻，合唔埋口。次次俾人逼婚，陳豪一招慢打快：「慢慢嚟，我媽咪都唔心急，你哋（指記者）仲急。」不過，唔急住做老襯嘅陳豪就話想再多啲情侶騷做，就算係拍婚紗廣告都OK。梗係啦，要得你哋扮結婚，個銀碼肯定係天價，有大嚿錢到手，莫講話拍廣告，萬事都有商量呀！ ####


聽見陳茵媺俾人嗌陳太，陳豪笑到俯前仰後，難為陳太摸完頭髮又摸面，唔知點算。


事業愛情皆得意，陳豪做活動，七情上面好生鬼。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄