來到陽光充沛的澳洲悉尼，Jeana懶理姊妹排擠，解比堅尼帶半裸曬太陽。

一張得勢不饒人的寸嘴加D奶身材，Jeana何佩瑜是模界頭號風頭躉，多job又有緋聞見報，招惹同輩模眼紅，火線更蔓延到澳洲。
早前在澳洲舉行新八模選舉，獨得Jeana有份做評判和頒獎嘉賓，其餘同場模變配角；受到排擠，人在澳洲的Jeana，抦埋一邊享受裸曬，自得其樂。

 

大細超
Jeana與組合Monsterbeez的Hailey和Annie、Octobeez的Hidy和Rika，到澳洲出席第三代「澳洲新八模」選舉活動，五人雖屬同公司的姊妹，但行程中卻零交流，Jeana被當透明。「今次五個女仔去做嘉賓，但得Jeana一個有得做評判同頒獎嘉賓，班女仔覺得大細超，好唔高興。」同行工作人員透露。今次「澳洲新八模」選舉活動，Monsterbeez負責打碟、Octobeez則有份唱主題曲，但同做評判表演嘉賓的地位，始終差一截；四個女仔於是夾埋唔理Jeana，全程排擠對方。「Jeana份人都懶有性格，見人哋玩嘢，佢咪自己行埋一邊睇報紙，唔瞅唔睬囉。」主辦單位安排眾嘉賓入住位於悉尼的香格里拉酒店，一班模外，還有曹格、周國賢和吳雨霏做嘉賓。

釋放D奶
澳洲陽光充沛，難得有時間到泳池曬太陽；但Hailey、Annie、Hidy和Rika繼續小圈子，在按摩浴池雞啄唔斷，Jeana孤伶伶瞓到另一邊，之後索性解開比堅尼帶，釋放D奶曬肉背。
Jeana自得其樂，但四女咬實唔放，專登坐在附近大聲講大聲笑，令心情欠佳的Jeana，面容更燶。
模新人此起彼落，聲勢更不及周秀娜、Angelababy年代，Jeana憑着肯露兼寸嘴，算是有路行；連續接拍多部電影《婚前試愛》、《喜愛夜蒲》和近期的《起勢搖滾》，出席活動的機會亦較多，同行如敵國，要姊妹定要銀紙，係人都識揀。

 
Jeana雖然冇人受佢玩，但她自娛自樂，由主辦單住帶着她到處遊覽，還拍下不少照片放上微博。 ####

 


向來寸嘴的Jeana，見到Octobeez的兩個模在一旁曬太陽，她即時擰歪面扮睇唔到，心情勁唔靚。


Hidy（左）和Rika兩姊妹有講有笑，完全當坐在另一角的Jeana冇到。


保持距離四個模坐在按摩池邊雞啄唔斷，Jeana則孤伶伶躺着看報紙。


獨處一角 Hailey等模眼紅Jeana人氣，在澳洲期間故意對她不瞅不睬，令Jeana極冇癮。


除了Jeana外，曹格（右起）、周國賢同吳雨霏（左）亦有份做「澳洲新八模」選舉的嘉賓。


「澳洲新八模」選舉活動，在眾模中只得Jeana有份可以做評判及頒獎嘉賓，而其他則只做表演嘉賓，難怪被指大細超。


最近Jeana不但受到電影商及廣告商垂青，接下不少片約；跟張柏文的戀情也逐漸地面化，事業愛情兩得意。


新八模雖然係周秀娜師妹，但發展都各有參差，其中以Jeana同Mia較為突出。


Jeana在選舉活動也有表演打碟娛賓，現場觀眾也頗為受落。


Jeana（中）與參選「澳洲新八模」的佳麗合照。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄