上月底，Eason在倫敦舉行巡迴演唱會，門票在開售當天，短短廿分鐘被掃清。

去年七月，陳奕迅續約環球，外間盛傳有過億留位費，不過，打動「吹神」是唱片開綠燈，並動用公司資源，全面配合要做老闆，開個人label的Eason搞新公司。據了解，榮升唱片公司老闆，自己打晒骰的Eason，半年前四出揀蟀，最終睇中MR.鼓手杜志烜（Tom）前女友蔡穎恩（Evelyn），簽為旗下首個歌手，備戰角逐今年年尾的新人獎。

英國取經
上月底，第二次於英國開巡迴演唱會，也是首個華人歌手踏足「The O2 Arena」開騷的Eason，除了老婆徐濠縈護航，圈中好友何超儀、黃偉文、梁漢文等亦陪飛，專誠赴英捧場；同是座上客的模Evelyn（蔡穎恩），聲稱自己是Eason「死士」，所以一早買定飛捧場。其實無咁簡單！Evelyn是應老闆Eason邀請，去英國取經。將轉型做歌手，公司卻嚴禁Evelyn對外透露半點風聲，她唯有四圍同朋友分享自己可以做「神女郎」的喜訊。「同阿Tom（MR.鼓手）分手後，Evelyn一路都死氣沉沉，朋友見佢近排開朗番好多，一問佢就忍唔住話Eason簽咗佢，嚟緊會出碟做歌手。」Evelyn的友人透露。續約環球當日，Eason在記者會上公開宣布今年會開製作公司大計：「都係以音樂為主，遲啲可能會簽新人，話唔定會拍埋電影。」Eason說。

 
成為Eason新公司旗下歌手的Evelyn，獲Eason邀請到英國睇騷，並將照片上載微博，但未有透露半點風聲自己即將轉型。

一手包辦
過去半年，Eason開始為公司着手搵新人，由面試到試音，都親自落場。碰啱Jam Cast部署旗下模轉型，雙方一拍即合，經過仔細考慮，Eason最終揀了Evelyn。現階段，Evelyn已獲安排上堂學唱歌，預計暑假八、九月派歌上台，為角逐年底的樂壇新人獎打仗。 Eason自立門戶，環球唱片亦全面配合，據知上至發行下至宣傳，公司都會按Eason所需而投放資源。「做一個新人除咗面嗰層、形象、歌路都有好多嘢要處理，淨係publishing同發行已經有排煩，環球本身有晒呢啲部門，加兩錢力做多少少，留得低Eason，大家都有好處。」一名環球的員工說。

自立門戶
藝人做到咁上下，就會諗住搞公司，自己話事，唔熟唔做，搞投資開戲、出碟，捧新人，好正路。

黎明
04年，黎明得老闆林建岳科水，投資開設唱片公司「Amusic」，打頭炮力捧衞詩、衞蘭兩姊妹做新人王，後有楊千嬅加盟做「一姐」，09年，黎明再簽模出身的Janice Man，捧她做「模Art」。

陳冠希
07年，陳冠希與陳奐仁、DJ Tommy自組開公司，成立「Clot Media Division」，並投資千萬開戲、簽新人，曾先後簽過農夫、樂瞳、何超儀。

任賢齊
09年加盟東亞，去年林建岳支持他開設大岳娛樂有限公司，榮升CEO，更成功游說蘇永康簽約成為旗下歌手。

吳彥祖
林建岳全資收購成龍有份的「影藝顧問國際有限公司」後，公司旗下的吳彥祖開出續約條件，要求自組公司，並先後招攬一班好友加盟，包括尹子維、廿四味、恭碩良等。 ####

 


老婆徐濠縈和商台高層甘菁菁，專程坐十多小時飛機前往英國撐場。


去年7月同環球續約舉行記者會當日，公司高層Max Hole（右）專程由英國來港出席，凸顯了Eason在公司的重要性。（《蘋果日報》圖片）


去年十一月，MR的Tom同Evelyn分手未幾，便與模何思諺奉子成婚，有傳令Evelyn大受打擊。（《蘋果日報》圖片）


Evelyn同Tom拍拖期間毫不避嫌，不時甜蜜遊街。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄