十年後佬味
十年後再演夫妻，45歲嘅伊健已經變成靚佬，反之阿Sa仍保留少女味。

睇拍戲 蔡卓妍（Sa）與鄭伊健，十年前曾於阮世生執導的電影《我老婆唔夠秤》合作，同一樣的班底，最近埋班開拍續集《我老公唔生性》，不再妹的阿Sa與中年靚佬伊健事隔十年再合作，阿Sa直言：「依然咁憎佢！」

前後大不同
○二年上映的《我老婆唔夠秤》，是阿Sa入行第二個年頭孭飛做女主角的電影，當年阮世生大膽起用得二十歲的妹，與老十五年的鄭伊健做一對，成功製造化學作用，《我老婆唔夠秤》收過千萬票房。
以同樣的配搭，十年後再開拍續集《我老公唔生性》，加上內地人氣女星張歆藝及徐正曦，趁近期中型港片順風順水，搏多鋪！
「十年前嘅阿Sa仲係個妹仔，而家佢結過婚又離埋婚，人生多咗閱歷，反而伊健繼續係個大細路，導演覺得佢哋再合作，會係好唔同嘅感覺，所以先提議拍續集。」電影公司工作人員透露。

伊健婚外情
早前電影在深圳大梅沙喜來登度假酒店拍實景，阿Sa與徐正曦在泳池邊拍一場傾偈戲，有兩個私人助手貼身照顧的阿Sa，在三十度天氣下汗流浹背，助手遞紙巾印汗，另一個遞水解渴，對手阿曦得個睇字。「我係男仔自己搞掂就得，之前喺《地獄19層》同阿Sa合作過，第二次再合作，阿Sa依然係咁nice。」至於另一女主角，有國產美女之稱的張歆藝，戲中則與伊健有婚外情，而阿Sa則和徐正曦有感情戲，兩公婆都有偷食。

歡喜寃家
之後劇組轉景到酒店房拍阿Sa病咗瞓床，要老公伊健照顧的戲份。現場收音唔可以開冷氣，冚住幾張棉被的阿Sa認真唔好受。「真係好熱，唔使噴水扮發高燒都成面汗。同伊健合作，大家好多嘢唔使夾都有默契；有一樣嘢冇變過，就係十年前我好憎佢，十年後我依然係咁！」阿Sa講完喪笑，在旁的伊健忍不住插嘴：「同阿Sa合作都幾好笑，十年前後冇乜分別，大家keep到個關係，我同以前一樣咁唔鍾意佢！哈哈！」阿Sa伊健互不相讓，為現場製造不少歡樂。

生力軍
十年後再做「夫妻」，伊健同阿Sa為配合現今男女關係實況，片中各有小三介入，令婚姻有暗湧。飾演小三的男女配角均屬內地當時得令的上位新貴。中央戲劇學院畢業的張歆藝，演過多部話劇和電視劇，因長相及身材不錯，火速成為內地人氣偶像，與楊冪、劉詩詩、白百合同被評為2012新四小花，並先後與賈乃亮、張譯、李晨等傳緋聞，甚至有傳她與王志飛已結婚。至於另一男角徐正曦，是05年全球華人超級男模大賽冠軍，07年簽約starzpeople，其後被寰宇電影睇中簽約旗下，演出電影有《B+偵探》、《童眼》及電視劇《男兒本色》，受公司力捧。 ####

 


十年前嫩口
十年前拍《我老婆唔夠秤》，男嘅35歲，但一副仔樣，拼埋20歲嘅阿Sa，幾襯！


大熱天時下蓋着幾張棉被，並在沒冷氣的房間下拍攝臥病在床，熱得阿Sa哇哇大叫。


伊健與阿Sa在片中分別有小三，為培養感情，戲外的伊健不時與小三張歆藝（左一）聊天。


阿Sa拍戲出動兩助手跟身，反之伊健在片場經常一支公周圍走。


電影有不少人客串演出，其中飾演阿Sa好朋友的欣宜，戲內戲外與阿Sa好啱key。


在戲中飾演修女的林珊珊，拍埋阿Sa身邊，其防腐功能強好多！


張歆藝


徐正曦

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄