點解唔嗌停？設計對白有離先有合！設計對白分居一年，鋒芝一家四口復合照近日重現，復合傳聞熱哄哄，但沒截停離婚申請，二人離合好戲劇化。

張栢芝主動與陳冠希機艙合照消息曝光後，鋒芝婚變一觸即發，二人關係由拉鋸僵局發展到協議離婚。但去年八月簽字離婚，對霆鋒餘情未了的栢芝繼續力挽狂瀾，令雙方決裂關係得以軟化。上週長子Lucas學校家長日，鋒芝一家四口出動，隨即傳出鋒芝復合。但據了解，離婚一事其實無彎轉，於今個月底，雙方在法律上的夫妻關係，正式告終。

手續繼續進行
去年主動嗌離婚的張栢芝，自去年八月與霆鋒正式簽署離婚書不久，便開始努力箍煲。今年三月，霆鋒被傳媒發現在栢芝三母子入住的金鐘柏舍過夜；上週五（五月四日）又一家四口出席大仔Lucas學校家長日，復合傳聞甚囂塵上，有指二人已暫停離婚程序，保住夫妻名分。但據了解，即使二人關係有緩和，但鋒芝離婚，事在必行，亦沒有叫停離婚，五月底分居滿一年，兩星期後，法庭將正式批出離婚書。「雖然兩個關係好咗，但阿仔（霆鋒）話當日決定離婚唔係當玩，既然分開係經過深思熟慮，就唔會收番。」 知情者透露。

為兩子行番埋
覆水難收，但霆鋒卻得老豆四哥謝賢「真傳」，與前妻掟煲唔掟蓋，齊齊閉門玩煮飯仔，鋒芝更一起戒煙。早前張栢芝擔任浙江衞視一年一度重頭節目《麥霸英雄匯》的壓軸嘉賓，有傳是上一屆擔當此位的霆鋒為前妻鋪路。據知，霆鋒近日之所以跟栢芝「行番埋」，全是為兩子Lucas與Quintus，營造一個和諧環境成長着想。「成班朋友都有追問阿仔（霆鋒）係咪復合，但佢斬釘截鐵話唔係，堅稱兩個關係有改善只係為啲仔着想；仲話成熟嘅人，離婚後唔應該係敵對，佢唔想因為咁，對兩個仔有負面影響。阿仔仲話四哥同拉姑離婚，關係仲好close，點解佢唔可以！講起傳佢上個月留喺栢芝新屋（世紀大廈）過夜四日，佢仲勞氣，話點數都數唔出四日，偶然因為個仔，留低過夜一晚半晚就有！」

收火唔話事
雖然現階段霆鋒否認同前妻復合，但身邊好友，對二人「神化」作風，亦不敢妄下判斷。「其實阿仔都留一線，冇話復合無可能，只係強調唔會係短期內嘅事。栢芝係變咗，唔再多要求，亦冇俾壓力個老公，但阿仔話需要時間觀察，佢唔知係咪真係可以重新嚟過走到尾。近排阿仔迷上打羽毛球，但無同過栢芝出嚟，若果復合，栢芝一定會喺身邊。」致力重修舊好的張栢芝，為配合霆鋒今年初的假期，刻意暫停接戲，一向大女人的她，亦不再爭話事。「栢芝好明白，當日婚姻，係因兩個性格太強。為咗氹番霆鋒，佢連脾氣都收斂咗。霆鋒亦同朋友講，現階段兩個好似『好朋友』咁，所以應該相處得唔錯。」知情者說。

掟煲唔掟蓋
謝賢　狄波拉圈中最經典掟煲唔掟蓋的過氣夫婦，非謝霆鋒父母四哥拉姑莫屬。當年二人拖住手宣布離婚，之後不時結伴high tea，就算各自搵到另一半，亦大方到兩啤人一起飯局，伴侶變老死。

 
岑建勳　謝寧 05年同樣是手拖手宣布離婚，表明再見亦是好友，分開感情依舊。前年謝寧再婚，前夫岑建勳送出數十萬「嫁妝」，包起一對新人到美國影婚紗相及蜜月費用，賀舊愛覓得第二春。 ####

 


數月前，霆鋒與分居的栢芝影張分手以來首度的世紀合照，以滿足一直想父母復合的Lucas要求。


細仔Quintus越大越可愛，與哥哥Lucas同得父母寵愛，故為兩子着想，二人就算離婚，都願以和諧關係相處。


放半年大假的霆鋒鑽研廚藝，並經常上栢芝家為三仔 乸入廚。有指他煮的蜆肉意粉是栢芝最愛。


曾對過氣新抱不滿的拉姑，日前撐阿倫場時，對鋒芝復合傳聞稱不懂 回應。


以摸頂價億元購入的世紀大廈，早前栢芝三仔乸入伙。有傳她在新居擺風水陣，望助她與霆鋒修好。


月底鋒芝雖正式離婚，但二人關係卻勝之前。有傳栢芝早前在浙江衞視當重頭節目《麥霸英雄匯》的嘉賓，是霆鋒出手鋪路。


婚姻破裂，但霆鋒事業卻越做越順。早前他除被科大邀請講talk，還被美國節目《American top model》睇中任評判。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄