揀錯對象嘅楊思琦，未婚生女，要做單親媽咪，獨力承擔沉重壓力。樂大媽篤爆佢有產後抑鬱，但為咗搵錢，生完唔夠三個月，已經復工。
上星期二（五月一日），楊思琦同薛家燕一齊錄影母親節特備節目《媽媽真的愛您》，仲喺節目中同思琦媽講電話，公開向自己阿媽道歉：「好對唔住，發生咁多事，而家仲生埋BB，連累到你……」

 
一直對身邊朋友話自己冇事嘅楊思琦，終於忍唔住公開喊，要身邊嘅薛家燕鼓勵安慰。
比起當年因為老公閃咗人，四十五歲復出娛樂圈爛做，養大三個仔女嘅家燕媽媽，三十四歲楊思琦情況其實唔係最惡劣。
正如薛家燕所講，只要努力，唔會有事！但八珍補多句，最緊要係帶眼識人！


四十幾歲人離婚，薛家燕靠自己一對手，捱大兩女一子，絕對係單親媽咪最佳示範。同人唔同命！黃太徐淑敏搵埋媽咪一齊做節目嘉賓，老豆、大女同行，兩歲嘅Vianna俾媽咪抱住喺化妝間周圍望，十分好奇。


####

 


戴住耳機嘅楊思琦，喺節目中同楊母道歉，雖然佢一路忍住唔想喊出嚟，但功虧一簣。


對住初為人母嘅楊思琦，家燕媽媽以身作則，鼓勵對方堅強唔好再喊。


自言因為開工，要停餵人奶嘅楊思琦，因為谷奶變E胸。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄