見紅印仔細睇，唐詩詠面上有大塊紅印。

做慣弱女的唐詩詠，在無綫新劇《拳王》中一改純情戲路，性感露大背跟黃浩然做床上戲，得外界讚演得夠放，公司又講明力捧，不過一劇接一劇，令她的身體埋下隱憂。據了解，近日唐詩詠無故會出現面癢紅腫的情況，因為次數頻密，令她一度懷疑自己有患紅斑狼瘡，加上杜汶澤染上隨時四肢癱瘓的「米勒費雪症候群」，對於隱疾，唐詩詠刻不容緩。

 

面癢紅腫求診
即將埋位拍新劇《神探哥倫布》的唐詩詠，日前一個人揸車到銅鑼灣世貿廣場，泊好車後，上了崇光百貨隔離的商業大廈二十一樓睇醫生。在診所內，怕被人認出的她全程耷低頭，但面上的紅印，還是清晰可見。在診所逗留一粒鐘，黃昏時間，唐詩詠折返世貿停車場攞車，過海到了尖沙嘴港晶中心的港潮樓，會合陳錦鴻、宣萱以及呂珊等人食飯，補祝盧海鵬攞金像獎最佳男配角。食到十點，一班人才盡興離開。據了解，自從在橫店拍完《大太監》，唐詩詠一直開工無得唞，同好戲又有要求的黎耀祥合作新劇《神探哥倫布》，唐詩詠要一人分飾兩角，令她飽受壓力。「自從接咗《哥倫布》個劇，Nat（唐詩詠）成個人就好緊張，塊面亦開始時紅時腫，雖然搽咗藥膏會好快消腫，不過無幾耐又會翻發，醫極唔斷尾。呢排阿澤自爆有怪病，Nat聽到好驚，喊晒同朋友講驚自己係紅斑狼瘡，其實佢身體唔算好好，一向都有食中藥調理，塊面出問題，佢就更加擔心，大家都催佢快啲睇醫生，有病估估吓，只會愈諗愈驚。」唐詩詠身邊人透露。

如釋重負
致電唐詩詠，提到有關病情，她如釋重負：「我最初都以為自己係紅斑狼瘡，好彩唔係，醫生話我近排壓力大，皮膚影響敏感，唔夠休息就會不停翻發，醫生叫我盡量休息同令自己輕鬆。」放下心頭大石，唐詩詠趁未埋開工，上週四（五月三日）同屋企人食飯，第二日又跟馬蹄露等人打邊爐，還約埋好姊妹梁靖琪Toby、佘詩曼等人，睇Lady GaGa演唱會，男友崔建邦亦前後腳同行，食玩瞓，盡量放鬆心情。

有得有失
冇得做，慘！有得做，煩！藝人多勞多得，但保得住人氣，保唔住身體靚樣，捱更抵夜搞到功能失調，大有人在。

鍾嘉欣
華姐出身的鍾嘉欣，入行後即被無綫力捧，近年以苦情角色突圍，但卻換來情緒低落肥腫難分生濕疹，雖然keep住睇中醫，但濕疹已蔓延上面。今年初，鍾嘉欣決定停工，返加拿大休息一個月調理身體。

楊怡
一直被讚好戲，有機晉身視后，楊怡比以前更大壓力，加上長期欠缺休息，去年終於捱唔住冧廠入醫院，有指她感冒菌入神經，以致下巴變歪。 ####

 


在診所內，唐詩詠幾乎全程耷低頭或睇記事簿唔望人。


她幫襯的皮膚科醫生。


遮面為曾經合作過的盧海鵬補祝獲最佳男配角，本來跟宣萱、陳錦鴻等人邊行邊傾的她，一見記者舉機，即用手極速遮面。


離開診所，她揸車亦戴上口罩。


在電視劇《拳王》中，她跟黃浩然有床上戲，玩突破的她用膠紙貼住前半身，在鏡頭前則露出大背脊。


執二攤接新劇《神探哥倫布》，由於跟兩屆視帝黎耀祥合作，她即時變得緊張兼谷出病。


上週六，她連同梁靖琪、鍾麗淇等人入機場睇Lady GaGa演唱會，甚少扮鬼扮馬的她，跟姊妹們一齊化閃電妝捧場，而男友崔建邦則前後腳出現。（《蘋果日報》圖片）


（《FACE》圖片）

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄