無綫新劇《拳王》收視好，星期日（五月六日）成班演員約埋尖沙咀食飯慶祝，主角鄭嘉穎都有到，劇中飾演佢仔仔嘅童星「吉仔」梁梓豪，亦一齊嚟食番餐。

 
「父子」重逢，鄭視帝慈父上身，公開教仔：「嘩！你有冇食飯㗎！咁瘦嘅，一隻手抱得起你！」話口未完，鄭嘉穎唐拾一上身，單手抱起吉仔俾記者影相，不過阿仔唔生性，當場踢爆老豆：「我feel到你手震喎！」童言無忌，鄭嘉穎冇即場家訓，只係即刻加多隻手，抱住吉仔將佢fing來fing去，另類教訓。呢晚吉仔都算唔好彩，無心之失踩親視帝，又因為生得細粒，祝酒期間黃浩然一時睇佢唔到，搞到吉仔倒瀉酒隻手濕晒，黃浩然條褲都中招，不過佢話晒真係做咗人老豆，識應變，即刻走去搵條餐巾幫吉仔抹手，而身旁嘅鄭嘉穎，只係笑騎騎齋睇唔幫拖，學冼灝英話齋，呢啲格，衰囉！


俾吉仔踢爆手震唔夠力，鄭嘉穎即刻報仇，將吉仔fing來fing去。


吉仔倒瀉酒，鄭嘉穎只係識得笑，之後黃浩然攞毛巾俾吉仔抹手，鄭嘉穎雅興大發，話要幫黃浩然抹褲鏈酒跡，對住細路仔都唔收斂！


話明慶功宴，除咗主角，班甘草都有嚟食飯，偏偏唔見鬧鄭嘉穎衰格嘅冼灝英。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄