問佢點睇教友幫GaGa祈禱？平日最鍾意講耶穌嘅Sammi，扮聾封嘴。

百變天后Lady GaGa亞洲巡迴演唱會上星期唱到嚟香港站，四場騷，由造型以至歌曲編排，同韓國站一模一樣，唯一分別，係GaGa將首爾國旗攝底褲邊環節，換上香港特區旗，愈淫賤愈過火愈踩界，fans睇得愈high。

 
三級內容，年輕人最易受影響，繼韓國有基督教組織集體祈禱詛咒GaGa後，香港嘅影音使團亦發起「緊急簽到代禱」行動，希望香港後生一代唔好俾GaGa洗腦。


不過，並唔係所有基督徒都咁偏激，八珍收到風，圈中教友鍾舒漫、高皓正等，吹雞call埋班教友，齊齊夾錢响GaGa開騷嘅亞洲國際博覽館樓上，book咗一間會議室，每場騷都會有十幾個教友跪地幫GaGa祈禱，希望原本係天主教徒嘅GaGa，重新認識耶穌。


至於天后級基督徒Sammi鄭秀文，星期日（五月六日）返教會被問到點睇班教友幫GaGa祈禱？平日講耶穌會變開籠雀嘅Sammi，居然扮聾咩都聽唔到，GaGa四場騷，亦都唔覺眼天后到！八珍尊重所有宗教， GaGa咁做就叫教壞細路，點解Eason何韻詩唱唱吓歌舌吻揸胸就被解讀為舞台藝術？我唔明囉！ ####

 


唔想講GaGa，但對住班教友，Sammi即刻開心晒，又嘟嘴又摸小朋友塊面。


GaGa到港接連犯禁，繼聲稱在港買老翻Birkin，觸動海關神經後，仲將香港特區區旗攝响底褲邊，乜都要誇。


鍾舒漫希望GaGa改邪歸正，於是call齊教友，到演唱會場館樓上嘅會議室，閉門發功祈禱。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄