俾《壹》仔踢爆同恭碩良玩姊弟戀嘅林憶蓮，舊年九月俾人影到同廣告女導演蔡美詩Masiy行得好埋，對方出入香閨，自己屋企一樣。以為四十六歲林憶蓮轉咗channel，錯晒！同恭碩良根本無甩過，關係反而更進一步。話說今年三月初，二人喺澳門撐枱腳食豬腦麵俾fans公開後，uncle Jun仲得到憶蓮寶貝女李喜兒接受，喺facebook add埋做朋友。

 
據二五所講，李喜兒個fb朋友唔過百，至親嘅媽咪、兩個喺溫哥華住嘅同父異母家姐Joy同Shanice，其餘都係佢同學，直至今年三月中，李喜兒忽然add埋恭碩良。原來話憶蓮個女唔介意媽咪瘟仔，但就好憎佢同啲不男不女嘅TB，甚至試過為此嘈晒。即係咁，打句問句都好，林憶蓮一定無仔不歡，至於啲TB，為咗追憶蓮又出錢又出力，人家既然大方，咁俾番少少甜頭對方好正常，但想再進一步，諗吓好嘞。


唔鍾意媽咪同TB一齊嘅李喜兒Renee，早個幾月add埋恭碩良做朋友，令fb朋友人數由九十變九十一。今年三月，fans撞破二人喺澳門撐枱腳，今個月初，恭碩良幫Eason倫敦演唱會打鼓，聽聞林憶蓮專登飛咗過去，支持男友。 ####

 


口口聲聲話林憶蓮係家人嘅恭碩良，最近亦同女友寶貝女喜兒做埋朋友，一家親。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄