拖住長長裙踢拖嘅心悠落船，郭富城細心又有風度，絕冇乘乘機機。

六年冇拍戲，近年專教人用秘方食療保健嘅導演嚴浩，新作《浮城》有郭富城、楊采妮加劉心悠幫手，配合男主角係水上人，電影上星期二（五月一日）拉隊入西貢做宣傳。一大早通告，當日又熱又曬，但郭富城冇扭眼瞓，見到傳媒，馬上交功課，十分生猛。至於女角，楊采妮冇到，由劉心悠獨撐，見到著住tube dress踢拖到場嘅心悠，導演攬住嘟起個嘴就啜。六十歲人，仲成個餓狼咁。


相反郭富城就得體好多。落船搖搖吓，伸手拖實心悠上落，但又唔會有過分親密接觸，火候適中。唔似嚴浩，手口並用，over晒！


六十歲嚴浩，一見到心悠就撲埋去攬住仲嘟晒嘴錫，熱情到呢……


坐埋船邊俾記者影相，tube dress效果，特別理想。


晨早入西貢做宣傳，早起一樣OK嘅城城，又咁又咁，自動波交功課。


作為前輩，郭富城照顧心悠上落，亦同新人鄭家星吹番兩句，絕冇重女輕男。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄