最近免費報大戰又多一份加入，呢份新報紙叫《快馬》，每日印行十萬份，內容唔報新聞，只做馬、波，另加鹹版，集黃賭於一籠，睇嚟係爭取另類客，唔同主流免費報硬撼。小弟喺該報鹹版發現一個專欄，欄名叫「白姐姐信箱」，專回答有關房事同情慾問題，心諗白姐姐早排仲參加超級議席選舉，唔會搞有味版盡數心中情啩。

新出免費報《快馬》內嘅鹹版，有一個「白姐姐信箱」，同正牌白姐姐無關。

出於好奇致電白姐姐詢問，佢話呢個「白姐姐」絕對唔係佢，坊間仲有其他「白姐姐」，但呢個稱號冇註冊，法律上唔可以禁止人用。佢早前落旺角拉票，就見到報攤有本《白姐姐六合彩密碼》，提供六合彩貼士，仲教埋人買馬。因為阿Paul（謝偉俊）間律師行周圍賣廣告，上面刊出一個電話號碼，點知成日收到來電，搵「白姐姐」問賭馬貼士，搞到啲職員一頭霧水。

白姐姐仲話，某社交圈名媛個電話同阿Paul律師樓電話只差一個冧巴，有時都會收到冇厘頭電話，搵「白姐姐」教路買六合彩，真係啼笑皆非。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄