"週一下午 1點， William和阿 Sa在近 10個唱片公司人員包圍下出現香港機場，應記者要求連搭兩次膊頭，不過記者再起哄：「咀佢！」，兩位就扮聽唔到。"
認唔切
抄丁太認拍拖 阿 Sa陳偉霆「夫妻檔」搵食
2010年10月13日
唔到你唔信， 27歲的失婚婦人蔡卓妍竟然戀上 24歲陳偉霆，絕對係繼 7個月前，鄭中基同阿 Sa喺一個記招宣布結婚 4年兼且決定離婚後，本年度最估佢唔到的娛圈戀事。
驚死你唔信，對藝人戀情一向冚得密的英皇，竟然第一時間代當事人承認戀情，男女主角翌日（ 11日）更搭住膊頭在機場見傳媒，史上最順攤。
據知「 Sa霆戀」早在去年已在醞釀階段，如今爭住認熱戀期只有三個月的二人，原來早有部署，有指阿 Sa眼見丁太楊千
女華大方公開戀情與結婚的成功先例，決心抄橋望靠「夫妻檔」發圍， 3年內拍住上搵食撈番筆！
互動片段
阿 Sa陳偉霆機場拍拖 Show
11/10晒甜蜜
記：係咪好幸福呀家？
W：我哋有足夠能量承擔呢個壓力！
記：好多人祝福你哋！
W：我哋都諗住多謝啲藝人朋友。
記：鄭中基祝福阿 Sa，你會唔會祝福番佢？
W：會！
記：兩個有冇傾過幾時結婚呀？
W：未咁長遠！
7個月前才宣布離婚，週日（ 10日），鄭中基與蔡卓妍呢對前夫前妻竟然同日被爆有新戀情，前者搭上有線女主播余思敏；後者新對象則是年幼 3年的同公司師弟陳偉霆，齊齊走出失婚陰霾。
出道十年又年長三年，阿 Sa在機場突然變小女人，所有問題都含羞答答由 William代答。
夫妻檔有運行 o架！設計對白
被踢爆婚事後，丁子高與楊千嬅人氣齊齊反彈，週一（ 11日）舉行完一連五天個唱，丁太更撐足五日、日日喺微博讚丁太，光明正大仲一齊行事業運，難怪大人想抄橋。
今次被揭發戀情，英皇史無前例咁順攤認數、經理人 Mani微博祝福，當事人都先後在微博多謝祝福，又感嘆承受不少壓力，突然坦然。
暗交一年
據知情人士透露，雖然官方公布相戀 3個月，但阿 Sa與 William的愛火花實則 1年前已經擦出。
「阿 Sa同鄭中基聚少離多，夫妻關係有名無實已經年幾，舊年阿 Sa知道鄭中基回復花心本性周圍溝女，搞到阿 Sa好傷心，所以至留意到 William。」據悉，從去年 11月 21日，生日相差一天的阿 Sa與 William合搞生日 P後，心存好感，身為公司金蛋，接到新工作，有意無意向公司主動爭取與師弟合作，接連在《美麗密令》、瑪花、 adidas等多個廣告、 MV合作，日見夜見暗撻一年。
一周年
阿 Sa解稱與 William生日僅差一天，因此日漸熟絡，據悉去年 11月 21日二人合搞生日會時，已互生好感。
偷會面
生日後重投電影《槍王之王》拍攝工作，阿 Sa通宵趕工， William主動跟住經理人 Mani深宵探班，火花一觸即發。
豬骨頭
對 William越加留意，阿 Sa存心在事業上幫對方一把，接拍瑪花廣告、個人 MV都主動向公司提出起用 William做男主角。
日日見
三個月前二人關係明朗化，合拍廣告、北上做騷變得寓工作於拍拖，愈行愈密。
搵夠就嫁
結婚咁大件事都有能耐把經理人 Mani及好拍檔阿嬌蒙在鼓裏，保密工夫超班的阿 Sa忽然坦白，據悉除了離婚一役形象有損要改變策略外，主要還是從現實效益角度出發。
同樣被人踢爆結婚，楊千嬅與丁子高這一對事後大方承認兼周圍晒恩愛，唔只女方人氣反彈，連男方亦升格成為公關界紅人，阿 Sa與 William連帶經理人公司都博做翻版丁氏伉儷，一心要以「夫妻檔」齊齊博人氣同真銀。據悉，小情侶把心一橫，搏到盡 3年後賺夠結婚。
生意頭腦雖好，不過拍拖 3個月就 plan定 3年後結婚，會唔會樂觀咗啲呢？
四角咁亂
去年 11月，傳出鄭中基力追《花田囍事 2010》女主角 Angelababy， 3月 Sa基宣布離婚，現在兩 pair情侶大兜亂， Baby就戀上黃曉明。
率先引爆鄭中基拉 Sa落水
兩位過氣夫妻竟然在同日被報道結新歡，並非巧合。原來約半年前 30歲有線主播余思敏同事陸浩明介紹下與鄭中基秘密撻着，一向行事招搖的她不甘做隱形女友，愈戀愈富貴、月薪萬五住月租萬六海景樓、要求男方專車接送、不斷向同事明示暗示男友身份，終於如她所願被揭鄭中基新歡身份。
據知事發後鄭中基不甘再做新聞人物，索性拖前妻落水，同時亦對搞事新歡甚是不滿。唔只鄭中基，事發後向有線請假三天避記者的余思敏，連公司上下都得罪埋，公司同事對其作風有微言，連有線都恐防有人口不擇言，要求余思敏復工後停止外勤工作。
據悉鄭中基近日已用新紋身蓋過 06年結婚時在右手臂紋下的 Charlene。《蘋果日報》圖片
9月才開始主持新節目《一屋一 Look新部屋》請假避記者，並被有線下令封嘴。
揭阿Sa陳偉霆秘密相戀內幕 情侶戒首曝光
情侶戒曝光
27歲的蔡卓妍(阿Sa)和25歲的師弟陳偉霆去年秘密相戀，二人直認拍拖三個月。陳偉霆曾自認一向偏愛“平胸女”，他公開謂必取阿Sa：“不怕肉麻講，我們是熱戀期，我好愛她，認定她是結婚對象。”
但阿Sa指陳偉霆尚未滿其男友試用期，言猶在耳，原來她上月已豪擲近二千萬，買入跑馬地慧莉苑的一千六百呎複式豪宅，與陳偉霆共築愛巢，女人都是口硬心軟的。
留言列表
{{ article.title }}
