娛樂八掛大放送★

溫碧霞（Irene）2000年下嫁金融才俊何祖光（Kenny），結婚10年未有所出。兩年前二人決定循手續到內地領養小孩，結果今年7月如願以償，領養自江蘇遭遺棄於火車站的男嬰，並依族譜改名為何國倫，英文名Xavier，寓意聰明。
適逢養子8月23日1歲生辰，溫碧霞與老公上周四（19日）便豪花20萬於中國會為養子預祝生日，趁機介紹給親友認識。溫碧霞開心地說：「我哋會將最好嘅俾佢，親友都話Xavier好幸福，但我發現做咗媽咪之後，都一樣好幸福。」

44歲的溫碧霞與夫婿何祖光，今年10月就滿結婚10周年。他倆婚後一直享受二人世界，到近年想要小孩時，溫碧霞已屆高齡，加上她早年曾撞傷腰骨，惟恐生育會構成風險，便於兩年前到內地領養了小孩，但一直沒有消息。不過兩個月前，溫碧霞正式收到通知可以領養一位男嬰，她說：「我老公兩個妹都生女，所以我哋講明想要男仔，但係孤兒院話冇得揀BB同性別，一切隨緣，結果收通知時話係男仔，我哋都喜出望外，我哋睇到BB張相已經好鍾意，好合眼緣。」
為了迎接新成員，溫碧霞停工兩個月，老公Kenny亦請假一個月。二人先到內地辦手續，又為BB作身體檢查，然後再帶BB到夏威夷攞美國護照，溫碧霞說：「我希望BB可以健康成長，等BB大啲我會同佢剖白一切，唔會隱瞞。其實係咪親生唔緊要，最重要係我同老公願意陪佢成長，俾佢所有愛同最好嘅一切。我哋接BB時佢好瘦，得15磅，又有皮膚病同細菌感染，不過好快醫好，依家佢好健康，重廿幾磅！」
溫碧霞坦言領養了BB，才發現老公Kenny如此愛小孩，「Kenny真係好好，樣樣都肯幫手，餵奶換片都冇怨言，搞到佢放咗工都好忙，但佢話忙得好開心！」

奶奶錫晒乖孫
溫碧霞老公貴為瑞士私人銀行寶盛香港區董事兼亞洲產品部香港主管，年薪過億，未知二人會否為兒子買教育基金？溫碧霞說：「未買，但我哋已經幫BB申請咗playgroup，我想佢讀傳統學校，但要睇佢資質，如果好勉強，就安排佢讀國際學校。」除了教育，溫碧霞又策劃在家中闢一間BB房兼請多一個外籍傭工，「本來屋企有兩個工人都夠，但係BB好快識行，到時要搵個專人睇緊啲。」
只要令養子開心，溫碧霞都不惜大灑金錢，上周四（19日）她便豪花20萬於中國會包場為養子慶生日，「我地想同親友分享有BB嘅快樂，最開心係我哋雙方家人都冇怪我唔生，仲好接受BB，令我冇任何壓力。」
現場所見，溫碧霞奶奶不時抱住孫仔滿場飛，更於個多月前專程從美國來港探B，「我下星期就返美國，好唔捨得個孫，我打算返到美國喺電腦加視像，咁就可以日日見到BB。」至於溫碧霞媽咪對外孫一樣錫到燶，她說：「BB好得意，我成日都會掛住佢，所以成日探佢。」溫碧霞有個咁開通嘅奶奶同媽咪，真係飲得杯落！

Cute樣逐格睇

解構超豪派對
為令愛兒Xavier留下美好回憶，溫碧霞與老公從布置、節目及回禮都花了不少心思。

名人齊賀

為養子Xavier炮製一個大型生日派對，是溫碧霞與老公Kenny送給Xavier的迎新禮物。當晚他們為愛子預備會噴火的生日蛋糕，令現場氣氛推至高峰。溫碧霞的奶奶（右一）更專程由美國來港探孫，溫碧霞非常感動！

生日會當晚，溫碧霞在會場入口放了兩張一家三口上月到夏威夷度假的照片，她說：「好鍾意囝囝嘅笑容，好溫暖。」

溫碧霞與母親（右一）感情要好，不時見面，現時添了孫兒，溫媽媽更經常到女兒家探孫。

溫碧霞說兒子是happy boy，很容易就逗得他哈哈大笑。

重逾20磅的Xavier很健碩，很夠腰力，最愛媽咪拉着他的手玩sit up。

坐唔定的Xavier不時扭溫碧霞抱，樂做湊仔公的Kenny就趁機餵他飲水，一家三口樂融融。

為o氹Xavier開心，溫碧霞特意請來小丑表演魔術，將氣氛推至高峰。

溫碧霞在中國會布置了大量七彩氣球，並為Xavier製作一張大型banner掛於最當眼位置。

為了兒子可以型爆見人，溫碧霞請來合作開的形象設計饒子懷（白圈）為囝囝揀衫，髮型就由其御用髮型師Daniel操刀。

當日溫碧霞宴請了近百位親友，令壽星仔Xavier收的生日禮物堆積如山，溫碧霞說：「就算一日拆一份，都可以拆足幾個月。」

當日出席的小朋友都可獲精美禮物包（上圖），包括文具、玩具同口水肩等。而當晚所有賓客亦獲贈印有Xavier肖像的曲奇餅作留念（右圖）。

廿年前溫碧霞與柏安妮已認識，想不到兩人的老公亦是好朋友，認真有緣。

溫碧霞深得前經理人陳淑芬（右）及現任經理人梁李少霞（左）疼錫，二人更愛屋及烏，對她的兒子亦同樣疼錫。

身為私人銀行主管的何祖光，身邊好友非富則貴，當中包括利豐主席馮國經千金馮詠儀（左）。