花旦齊變臉陳法拉下巴變兜徐子珊鼻變直忽然1周 787期－娛樂八掛大放送★

早前轉戰內地掘金的劉丹兒子劉愷威，近日被網友發現容貌大變，除了眼睛大了，鼻子也變得筆挺，猶如複製林峯一樣，令人驚訝。
小生都要變臉求存，更何況貪靚的花旦！記者近日發現陳法拉及徐子珊兩位無綫姐仔，面容亦靜靜起革命，法拉下巴逐漸變尖變兜，徐子珊鼻樑則離奇變高，連Dr Reborn專業醫生整容中心助理總經理Emily Yau睇完兩人變臉前後相片都話：「明顯唔同咗！」

專業評語
Dr. Reborn專業醫生整容中心助理總經理Emily Yau睇完法拉前後變臉相片不禁說：「真係有明顯嘅分別，佢個下巴比以前兜啲同脹咗好多。其實塊面瘦咗，只會令下巴尖咗，但就唔會變兜。」

專業評語
Emily說：「個鼻睇嚟確係有變化，鼻樑比以前高咗挺咗。除咗鼻，徐子珊其他地方都無乜大分別。」

專業評語
Emily：「佢唔單止鼻樑高咗，連個鼻頭都變埋，眼形亦變晒，下巴亦有出入，同以前個樣有好大分別。」

相比起近期變臉幅度勁誇的劉愷威，無綫新晉花旦陳法拉只屬循序漸進式。記者翻看陳法拉入行後相片，發現她由05年來港參選華姐至今，其下巴在5年間3度有變。昔日下巴短小的她，到07年已如安仔廣告歌一樣「尖尖尖」，近日其尖下巴更再度發育，尖之餘還向外微翹，變成下巴兜兜，相當離奇。
至於近年在無綫得寵指數日升的徐子珊，六年前出道時候鼻樑輪廓並不分明，但近年其鼻樑亦起革命，變得又高又直。

姚子羚亦玩變臉
除了花旦玩變臉外，在電視圈浮沉多年的三線姐仔姚子羚，一樣變臉搏上位。不過相比兩位阿姐，姚子羚的變化較為神速。去年開始，她忽然擁有一雙大眼及挺直鼻，跟昔日當「四葉草」女時的扁鼻同矇豬眼，可謂判若兩人。
上周六（21日）法拉出席《公主嫁到》記者會，記者問她為何下巴離奇變兜，她聽罷如中死穴立即發火：「又想點呀？之前已經俾人話我整呢樣整嗰樣，又話我隆胸，依家又想話我下巴整過！我啱啱先接咗個skin care廣告，你哋咁講係咪想斷我米路。我寧願你寫我緋聞好過寫呢啲。」之後她走到佘詩曼身邊，繼續向記者發爛渣，「你寫我同阿佘搞基吖，笨！」情緒激動。
至於身在外地的徐子珊則未有回覆，而同樣出埠工作的姚子羚，則透過經理人說：「呢啲事唔會回應！」
其實依家社會咁開放，莊思敏連隆胸都敢認，變臉好濕碎啫，唔使咁避忌喎！

愷威抄林峯
近期劉愷威被網友指他由面形到眼、鼻及下巴都唔同晒，更指他勁似林峯。

想點變！
兜下巴
Dr Reborn專業醫生整容中心助理總經理Emily說，如想下巴變兜，可注射透明質酸。因透明質酸屬啫喱狀，故注射後無論是視覺效果或是手感都好自然，不過效果只維持半年至九個月。若想持久，則可放入假體矽膠，效果及手感同樣自然。

高鼻樑
如想鼻樑變直，亦可注射透明質酸及植入矽膠。而後者手術時間只需約1小時。手術後鼻樑會出現紅腫及瘀，需5至14天才能消腫。其間不能呻鼻涕，不可戴眼鏡及令鼻子有碰撞。

大眼
開眼角是現時整大眼的普遍做法，Emily說：「只要喺眼角或眼尾位置，割開約1至2mm後，再用手術線縫上便成，手術需時1小時，完成後首兩天雙眼會出現瘀腫，之後在10至15日內可拆線，不留疤痕。

10年︰再變兜下巴
上周六，古裝打扮出席新劇《公主嫁到》宣傳的法拉，下巴脹卜卜，從側面看來更加有輪廓，與05年明顯不同。