自月初許志安公開撇女友Michelle（余德琳）後，Sammi即時在微博發拒愛宣言，以免被拖落水。直至最近安仔前助手「細佬」（潘恒章）以舊女友身份，出來明撐暗踩舊愛，事件又再次鬧得熱哄哄。
為怕事件愈描愈黑，曾患抑鬱的Sammi，除了驚到缺席每星期教會聚會之外，連10月23日的東亞世博騷，她亦向公司申請缺席，但最後因老闆林建岳出面多番游說，Sammi才勉強答應。
雖然Sammi肯現身，但據知她堅決拒絕與安仔再同台，更列出規條講明要分開酒店和日子出發，以免再被傳媒炒作。
為了這次上海世博騷，Sammi和東亞群星早前拍攝主題曲〈在歲月飛揚〉MV。據知當日原定一眾東亞歌手獨唱後，MV結尾會出現群星大合唱鏡頭，但礙於Sammi不想與安仔同時入鏡，因此MV最後取消這個合唱決定。「Sammi同我哋講，個MV最好唔好安排佢同安仔一齊出現，費事啲人見到佢哋兩個一齊，又俾人諗番起嗰件事，對大家都冇好處。我哋啲工作人員嗰日原本安排佢兩個一個晏晝兩點、一個三點上嚟錄音，Sammi就話自己五點先上嚟，明眼人都知佢點諗。」知情人士表示。
俾面老闆
其實，東亞今次在上海世博舉行的演唱會，旨在晒冷兼省靚公司招牌，因此旗下所有一線歌手如劉德華、黎明和楊千嬅都要俾面出席，但Sammi卻因安仔關係，最初堅持唔現身。「其實大家都知Sammi心情，不過個騷冇佢真係講唔通，所以開頭佢話唔做大家都好頭痕，最後要老闆林生出馬，先搞得佢掂。」
列三不
現時東亞內部正度緊當晚rundown，據知Sammi早已向公司列出三不規條。「佢話今次唔想同安仔同台，即使佢兩個同埋其他歌手一齊jam歌都唔得，更加唔會兩個人唱合唱歌。至於rundown就最好一個擺前啲一個擺後啲，咁就冇乜機會俾人影到合照造新聞。最搞笑係酒店同機票，Sammi講到明唔可以同安仔一班機，連酒店都要住唔同嘅，仲話自己住平啲冇所謂，我諗佢真係驚得好緊要。」
據知近日Sammi除了必需出席的活動之外，其餘時間都深居簡出。記者連續兩個周日在Sammi所屬的「港福堂」教會守候，均未見她出席。就世博騷Sammi拒與安仔同台一事致電東亞，發言人梁小姐表示：「又係呢啲嘢，冇回應啦！」
當安仔負面新聞接連不斷之際，Sammi卻寄情於為世界巡迴演唱會演出。
許志安公開與Michelle分手後，被指為與Sammi翻撻而鋪路，形象隨之插水。Sammi為免被拖落水，寫出千字拒愛宣言。《蘋果日報》圖片
原本打算拒演東亞世博騷的Sammi，最後在老闆林建岳多番游說之下，才願意演出，但就拒與安仔有正面接觸。《蘋果日報》圖片
Sammi早前為東亞世博騷主題曲拍MV及影硬照，刻意與安仔分開時間錄音。
本周二（24日），東亞世博騷記者會在上海舉行，Sammi和安仔均缺席，只有韓紅（左起）、任賢齊、楊千嬅、何韻詩和余文樂出席。活動開始前，眾人為在菲律賓遇難的港人默哀。
3月，Sammi擔任Big 4演唱會嘉賓，與安仔在台上甚有默契，隨即傳出二人翻撻消息。
曾相愛超過10年的Sammi和安仔，分手後於08年「512關愛行動」中罕有同台，兩人更肩並肩含情脈脈對望。《蘋果日報》圖片
早前Sammi和安仔在北京同住一間望到水立方的酒店，事後被誤指兩人同房，故今次東亞世博騷Sammi寧願住平啲，都要與安仔分開酒店。
安仔自爆與Michelle分手後，引發一連串負面新聞。月中，安仔更效法Sammi寫聲明，對Michelle和「細佬」表示歉意，更希望大家給他空間去檢討自己和處理問題。
《壹週刊》圖片
今年6月，Sammi和安仔到北京為演唱會表演，二人被拍得雙雙在北京機場出現，有指當時Michelle甚為呷醋，她和安仔亦為此爭吵。《壹週刊》圖片
留言列表
{{ article.title }}
