阿 Sa、 William被揭暗交，週一下午，兩人於鄭州登台後，結伴返港，大方任影。"
娛頭
暗交一年紅磡包長房幽會 William腳踏兩船 阿 Sa背夫溝仔
2010年10月14日
10/10/2010（星期日），唔少拖友捱通宵排期是日註冊結婚，蔡卓妍（阿 Sa）與陳偉霆（ William）亦在當日被揭發有路，二人因為合作《美麗密令》一片啜出愛火，但匪夷所思的是他們竟然同日透過唱片公司英皇，承認拍拖三個月，十分反常。
據知，阿 Sa今次離奇極速承認拍拖，是怕醜事被越揭越多，為掩飾背夫溝仔，以及對手 William一腳踏兩船的實情，遂寧願玩自爆，將一年情講成三個月，希望可以瞞天過海。
但身為 William前度女友的 Angelababy，原來一早知道阿 Sa同 William有景轟，更高調在微博留言，擺明唔信二人只係一齊咗三個月。
一啜出火
廿七歲的蔡卓妍，與同公司廿四歲師弟陳偉霆，去年十月拍攝電影《美麗密令》因為一場火辣嘴戲而啜出愛火，秘密搞上，由於當時阿 Sa仍是人妻身份，與鄭中基並未離婚，而 William亦有公開女友 Angelababy，所以只可以偷偷摸摸。
直至星期日（十月十日），阿 Sa與 William忽然被踢爆有路，講慣大話連結咗婚都唔認的阿 Sa，竟然一反常態，透過唱片公司向傳媒承認與 William拍拖三個月，翌日（十月十一日），他們以情侶檔在鄭州做完騷返港，在機場更公然晒恩愛，任影唔嬲，相當戲劇化。
戴住黑超的阿 Sa與 William雙雙步出機場入境大堂，二人不時深情互望， William更刻意哄埋女方耳邊講嘢，阿 Sa則表現冧爆，互相交戲。之後應記者要求攬膊合照，阿 Sa被問到結婚對象是否 William時，她亦答得相當巧妙：「交俾個天，見工都有試用期啦。」
William更此地無銀，強調二人在單身後才一起，「同阿 Sa一齊係真，係幾個月前嘅事，大家係單身先喺一齊。」其間他不停以「 Sa Sa」稱呼阿 Sa，肉麻到震！機場大龍鳳後，二人分別在微博發放愛的宣言，狂晒幸福。
阿 Sa表示對方改變了她對人的睇法，沒有像以前容易鑽牛角尖。
阿 Sa與 William因為一場嘴戲撻着。
主動溝師弟
今次阿 Sa有別以往高調宣布戀情，其實是另有用意。據知阿 Sa與 Willam早在去年十月拍攝電影《美麗密令》已搭上，當時仍是人妻身份，與鄭中基有秘密夫妻關係的阿 Sa，與師弟拍完嘴戲之後，竟被對方搞到心神大亂，甚至忍唔住主動出擊溝 William，除了瘋狂 SMS，又不時向公司提出做騷要搵埋 William做嘉賓，製造二人同場工作機會，以便爭取時間埋身溝通。
面對阿 Sa送上門，當時仍然與 Angelababy一齊的 William，同樣「飯來張口」。
「阿 Sa好主動，上年十一月佢主動話同 William一齊搞生日會，知道 William同公司同事有踩單車習慣，又要求參加，出去踩單車又借啲意要 Wiliam傍住；有次阿 Sa炒車跌親， William表現得好緊張，當時大家都覺得有啲怪，但就冇諗過佢哋已經一齊。「其實呢一年阿 Sa成日同公司要求有乜嘢工作、登台，都要搭埋 William，唔肯搭其他人一齊做，有人問過阿 Sa點解淨係肯搭 William，佢就話 William跳舞會令氣氛好啲，但原來佢哋係要爭取出外機會，同埋帶挈 William搵錢。」阿 Sa身邊人說。
Baby在微博中講到明唔信「 Sa霆戀」只開始了三個月，而她之前亦有在阿 Sa微博中留言，內容有挑釁成分。
微博傳情
未公開前，他們已經公然調情。
愛的宣言
公開拍拖後，兩人分別在微博上發表愛的宣言。
大話妹
阿 Sa入行十年，緋聞唔算多，但她多年來堅持擘大眼講大話作風，名副其實大話妹。
黃又南
02年同 Shine成員黃又南拍《一碌蔗》撻着，拍拖多年， 04年一度口疏自爆與對方於新春期間同遊泰國，但事後又否認二人有發展機會，無法接受姊弟戀：「我一直都當佢（黃又南）係細佬！」
大話妹
阿 Sa入行十年，緋聞唔算多，但她多年來堅持擘大眼講大話作風，名副其實大話妹。
黃又南
02年同 Shine成員黃又南拍《一碌蔗》撻着，拍拖多年， 04年一度口疏自爆與對方於新春期間同遊泰國，但事後又否認二人有發展機會，無法接受姊弟戀：「我一直都當佢（黃又南）係細佬！」
宣布離婚記者會上，被飛的鄭中基哭成淚人。
鄭中基
06年，同鄭中基秘密結婚八個月後，阿 Sa被問到幾時同男友拉埋天窗時說：「我希望 30歲後可以搵個人同我結婚。」
08年的生日會上，阿 Sa重申 35歲才會結婚，並揚言要舉行盛大婚禮，絕不秘密進行。
今年 3月阿 Sa被揭發同鄭中基早於 06年 1月 31日在美國註冊，結為夫婦。
私竇密會
阿 Sa同 William極速發展，為方便見面同掩人耳目，據知有一段時間他們在紅磡海灣軒包了一間長房做鐵竇，今年初，已經有人分別見過二人經常在深宵時分出現上址，而住開港島區的阿 Sa，更多次於工作後唔直接返屋企，要保母車送她到紅磡附近落車。
阿 Sa秘密同 William行埋，就連好姊妹鍾欣桐（阿嬌）都不知情，拍攝電影《前度》時，阿嬌亦一度同 William傳出緋聞。
兩人感情越來越穩定，經常周圍飛的 Baby雖然無辦法實男友，但出於女人本能，亦察覺男友有異樣。
「 Baby成日飛嚟飛去，好多時都係靠電話聯絡，以前 William成日都打電話俾 Baby，但自從上年十月開始，就越嚟越少，有時 Baby都搵佢唔到，失晒蹤， William成日解釋話好忙有嘢做，但佢有幾多嘢做大家知啦，之後 Baby返到香港，佢又話公司（英皇）唔想佢有緋聞，怕俾記者影到，唔肯出嚟見面， Baby好唔開心，亦懷疑男友背住自己有第二個，嗰段時間黃曉明亦開始狂追 Baby，有次 Baby同 William吵大鑊嗌分手，估唔到佢爽快話好，所以大家都覺得 William有第二個先咁順攤！」 Baby友人說。
見 William為了自己同 Baby分手，加上今年三月被揭發原來阿 Sa早在○六年已經與鄭中基在美國註冊結婚，阿 Sa順勢宣布與鄭中基玩完辦手續離婚，專心一意同 William一齊。
密密行埋
09年 10月
阿 Sa拍《槍王之王》時， William往探班。（《 Face》圖片）
09年 11月
《勁歌金曲》錄影時顧住傾偈。（《蘋果日報》圖片）
10年 1月
在頒獎禮慶功宴兩人齊齊坐。（《蘋果日報》圖片）
10年 4月
忙到無得瞓嘅阿 Sa，百忙中都抽時間幫男友拍 MV。
10年 10月
彩排音樂會都黐埋一齊。（《蘋果日報》圖片）
8月
多得阿 Sa關照，經常要拍住男友，令到 William工作量大增，早前就一齊拍 Adidas廣告。
星期二阿 Sa與 William都分頭工作，兩人齊齊封口暫停講感情事。
Baby踢爆
而 Baby得知 William同阿 Sa公開戀情，本週一凌晨一點半在微博上留言：「你真的相信他們只有三個月嗎？」雖然冇指明阿 Sa是第三者， William公然擘大眼講大話，但已一語道破二人關係何止三個月。
「卓偉戀」另一神奇之處，就是向來唔主張旗下藝人拍拖的英皇，竟然批准公開戀情，不外是錢作怪，「以前英皇唔鍾意啲星有緋聞，但而家情侶檔咁搵錢，加埋可以谷人氣，阿 Sa十三號要出碟， William亦俾靠大隻嘅羅仲謙威脅得好緊要，所以索性將計就計，搞大造勢好過。」英皇人員說。
同 William分手後， Baby火速戀上黃曉明。
原本 Baby與 William感情要好，但因為經常分隔兩地， William有機會偷食。
William同阿嬌在《前度》中有多場激烈埋身慾搏戲，難怪傳出有染。
阿 Sa以長包方式租了海灣軒一個單位，方便與男友見面。
七國咁亂
溝女聖手
初出道時， William與 Angelababy雖然是公開的一對，但男方卻不時與合作過的女星傳緋聞，當中包括無仔不歡的阿嬌，及拍《愛出貓》時認識的 G.E.M。
Angelababy
二人合作拍攝迪士尼節目撻着， Baby經常出入 William寓所，去年，二人高調宣布劃清界線， Baby更被「億萬國產小生」黃曉明火速追到手。
鍾欣桐
拍攝電影《前度》時，有傳阿嬌主動出擊力追 William，事後 William公開拒愛，表示視阿嬌為家姐。
G.E.M
09年， William與 G.E.M拍攝電影《愛出貓》後， G.E.M於 blog中大爆與男方行街睇戲，又上載二人的合照，隨即傳出緋聞。
Jeannie Tam
有傳 William拍攝新歌 MV，與女主角 Jeannie Tam一拍即合，二人經常傾電話、 SMS傳情， Jeannie更因此與拍拖兩年的林孝信分手。
失富貴靠山 余思敏黐有米鄭中基
我嗲啲！（設計對白）
我 feel到！（設計對白）
前妻蔡卓妍高調公開與陳偉霆發展姊弟戀，另一邊廂，鄭中基跟有線主播余思敏（ Sammie）同樣蜜運當中。據了解，余思敏原本有個富貴模特兒男友陳朗準備談婚論嫁，後被丁子高前女友譚凱琪（ Zoie）介入導致分手。失去富貴大靠山，家住上水屋邨的余思敏，在公開活動遇上失婚鄭中基，機不可失，即施嗲功冧掂對方升呢做「基嫂」。
否認包養
「思基戀」被踢爆，新任「基嫂」余思敏接受訪問時跟男友同一口徑，承認「食過幾次飯」，處於發展階段，對於被有米鄭中基包玩包養報導，她解釋荃灣韻濤居住所，由她與妹妹合資購入；至於坐男友保母車返工，純粹當日二人食完午飯撐枱腳，鄭中基出於紳士風度，叫司機送她返工，推翻所有負面說法，更代男友發言：「佢（指鄭中基）都幾嬲，不過我哋唔會受報導影響。」
據知，余思敏在今年四月底的 Nokia手機宣傳活動上，負責訪問剛離婚的鄭中基，當時被富貴男友陳朗狠撇的她，即大發嗲功在「微博」展開「冧基」攻勢，除了噓寒問暖主動表示關心，更主動相約食飯見面，成功打動失婚鄭中基。
余思敏週一晚返回有線接受有線訪問，承認跟鄭中基在「發展中」。
甩拖後的余思敏（右），在四月尾的 Nokia活動再遇鄭中基，即採取主動攻勢，二人一撻即着。
主播女郎
現年約 30歲的余思敏（ Sammie），於香港樹仁學院新聞及傳播系畢業， 02年入行任兼職模特兒及客串網劇， 03年加入有線，與陳貝兒同為娛樂新聞台第一批招募的主播。此外， Sammie亦參演過《法門》、《甜絲絲》、《怪談》等電影，與阿 Sa在《這個阿爸真爆炸》同場演出。
08年， Sammie被傳媒拍到同富貴模特兒男友陳朗（ Max）睇樓，當時她表示二人拍拖多年，談婚論嫁只差一步，萬料不到男友花心偷食，導致分手。
前度偷食 Zoie
以往拍拖鍾意在公司大晒幸福的余思敏，為怕見光死，刻意保密新戀情。「其實一班同事都戥佢開心， Ronald對佢唔錯，同佢以前男友 Max（陳朗）無得比，原本 Sammie同 Max打算今年結婚，最衰個男人偷食貪就手，同 Zoie（譚凱琪）搞埋， Sammie都算好嘢，識穿件事之後，都冇同 Zoie嘈過。」
早在五月初，本刊便發現陳朗與 Zoie譚凱琪到銅鑼灣世貿廣場拍拖食日本餐，之後再到隔籬怡東酒店開房。
被同事 Zoie撬牆腳，釣金龜失敗的余思敏，今年三月尾向公司請假兩個星期，由陳朗家執包袱搬返上水天平邨屋企。「 Sammie放完大假返工，個樣仲係好殘好冇心機，直到兩個幾月前，突然勁靚成個人 sharp晒，大家都估佢有人追，不過就唔係個個都知嗰個係鄭中基。」知情人說。
07年 11月， Zoie接受本刊訪問，指初戀情人丁子高背着她偷食，二人分手後，她患了抑鬱症。
怡東酒店
五月中，本刊發現陳朗跟 Zoie在銅鑼灣一間日本餐廳醫完肚，再到附近買護膚品，接近凌晨一時，二人冇返屋企，轉到怡東酒店過夜，直至翌日早上才離開。
被迫執包袱搬離跟陳朗同居多年的天后柏景臺愛巢後，余思敏返回位於上水天平邨的公屋屋企暫住，直至早前跟胞妹夾份買入荃灣韻濤居，才搬走入住新居。
阿Sa陳偉霆暗交一年 女方背夫勾仔男方踏兩船
阿Sa與陳偉霆在10月10日被揭發兩人在一起，但匪夷所思的是他們竟然透過唱片公司英皇承認拍拖三個月，十分反常。
據知，阿Sa此次離奇極速承認戀情，是怕醜事被越揭越多，爲掩飾背著丈夫勾引男人，以及對手陳偉霆一腳踏兩船的實情，所以甯願玩自爆，將一年情講成三個月，希望可以瞞天過海。
但身爲陳偉霆前度女友的Angelababy，原來一早知道阿Sa與陳偉霆的關系，更高調在網上留言，擺明不信二人只是在一起三個月。
留言列表
{{ article.title }}
