餓咗咁耐，我哋終於等到啦！ 2010世界盃聽晚開波！話係話今年多咗 3D轉播，但論氣氛又點及現場睇過癮？加上南非人到處載歌載舞，立即睇波無國界一齊投入賽事。今日醒你四個 tips出門去南非睇波，家上車都未遲！記者：曾冠輝圖片： FIFA官方提供
Tips 1Tailor-made隨隊睇套票 放大圖片 
■開普敦球場像個桌山（ Table Mountain）下的水泡。
南非，係一個國家，唔係一個城市，即是話，要跟隨心儀球隊由頭支持到尾要遊走多個城市至得。今屆世界盃 10個場館設於南非 9個城市，單是分組賽每隊球隊都要到 3個不同城市作賽，例如：若然你是香港大多數（突首，呢個先係真正香港大多數呀！）的英格蘭球迷之一，想到現場為球隊吶喊助威，便要先到勒斯滕堡（ Rustenburg）睇英美大戰，再到開普敦（ Cape Town）遇上阿爾及利亞，然後在伊莉莎伯港（ Port Elizabeth）決戰斯洛文尼亞，進入十六強之後仲要……假若英格蘭一個唔覺意入咗決賽，追足 7場你就要在城市與城市之間走足 6次，訂內陸機票、酒店、撲飛都夠你煩啦！簡單啲，阿聯酋航空推出度身訂做世界盃套票，只要諗定要睇邊幾場賽事，訂到波飛之餘，仲可以安排埋內陸機票及酒店住宿，連酒店至球場交通都可以預先安排，一站式搞掂晒。而我這種少數的西班牙球迷，篤信呢位鬥牛勇士點都殺得入決賽，仲可以簡單啲同旅行社講：「我捧西班牙！」便可以一次過預訂 7場門票（當然要有錢人先做到啦！）跟住球隊由 6月 16日第一場對瑞士睇到入決賽捧盃。係呀，係決賽呀，至截稿日電話詢問旅行社，話仲有決賽飛可訂，方便得嚟仲唔使辛苦撲飛！
放大圖片 
■世界盃期間有 shuttle bus來往場館與城區。
放大圖片 
■世界盃點會少得非洲鼓樂助興？
放大圖片 
放大圖片 
■南非球迷出名熱情投入，一齊睇波特別好氣氛！
放大圖片 
■ 2010世界盃吉祥物 Zakumi。
阿聯酋航空世界盃套票包括：阿聯酋航空來回南非（開普敦/德班/約翰內斯堡）機票、最少三晚酒店住宿及最少一場自選球賽門票費用：以一場分組賽+機票、住宿，$31,100起；決賽（飛約翰內斯堡連住宿）則$44,476起查詢： 3960 0333（美麗華旅遊）網址：http://www.emirates.com/hk（阿聯酋航空）
Tips 2Fan Park免費睇 放大圖片 
■開普敦 The Grand Parade
如果你係遲咗出手，訂唔到波飛的話，請你唔好慌，唔好亂，因為真的假不了……唔係叫你炒黃牛，而係話你知要睇波唔一定要入球場，場外一樣精采有氣氛。自上屆德國人想出，在球場外設 fan parks讓買唔到飛或買唔起飛入場的球迷，除了一窩蜂湧到酒吧外，在戶外一樣可以投入盛事，為自己心愛球隊打氣。其後國際足協更制訂 FIFA fan park policy，規定 fan parks內有巨型銀幕配合一流音響及燈光直播賽事，仲要有表演節目助興，兼有 DJ駐場打碟，氣氛唔會輸畀比賽現場。今次南非各大比賽城市一樣設有 fan parks，場地雖可容納 30,000人，但由於入場費用全免，所以人一定多到滿瀉，要去記得趁早。
放大圖片 
■約翰內斯堡Mary Fitzgerald Square
放大圖片 
■德班Durban Beach Front
放大圖片 
■伊莉莎伯港 St George's Park
放大圖片 
Tips 3出門學定 Diski Dance 放大圖片 
南非人最愛唱歌跳舞，世界盃咁大個 party點會唔跳番 part舞。大會為世界盃特別排了一隻 Diski Dance，將足球腳法結合舞蹈，踢住個隱形足球跳跳吓。齋講抽象，立即 click入網，影片教學逐 part學，學識先至好出門，到時無論你喺場內或場外的 fan park，都可以同當地人一齊跳，打破言語隔膜。網址：http://www.southafrica.info/footballfridays/diski-dance2.htm#
放大圖片 
■信用卡肥仔阿 Matt都被邀請到南非跳 Diski Dance，到 YouTube search"Where the hell is Matt in South Africa"即見！
放大圖片 
■ Diski Dance踢住個隱形波跳舞。
Tips 4大學宿舍變酒店
事前好多人質疑：世界盃咁大件事，南非到底搞唔搞得掂，情況如同當年北京奧運。場館方面倒不擔心，事必日夜趕工點都要埋尾好好睇睇。我反而關心住宿，突然一下子全世界湧到南非到底夠唔夠地方住？開新酒店嗎？完事後換來人少拍烏蠅極不化算。南非政府都幾醒，識得利用大學宿舍迎賓，約翰內斯堡、開普敦及德班的大學總共提供 9,000個房間， 6月頭起開放予遊客。怕環境、服務差？唔怕，宿舍由酒店集團管理，餐飲服務、娛樂設施統統有齊，價錢仲幾合理㖭。
大學住宿
房費：單人房$627，雙人房$741參與大學： University of Cape Town、 University of Johannesburg、 Wits University、 University of Kwazulu Natal網址：http://www.saguidedtours.co.za（ click"2010 Soccer World Cup"）南非其他住宿參考網址：http://www.rooms4u.travel
Go Goal S.Africa 放大圖片 
溫馨提示：基於治安問題，南非始終不宜獨自旅遊，特別是晚上，最好結伴 3-4人出遊。
Travel Memo
持 BNO或特區護照免簽證。南非領事館： 2577 32791港元約兌 1蘭特（文中價錢已折算港元）230V，三圓腳插座
放大圖片 
南非 開普敦下周天晴， 11-21℃ 
■世界盃開波，約翰內斯堡最高建築物 Hillbrow Tower都要掛個足球響應。
留言列表
{{ article.title }}
