容祖兒和楊千嬅昨晚到將軍澳電視廣播城錄影《勁歌金曲》，早前祖兒因連續多日腹瀉，令好友十分擔心，昨晚她一臉倦容出現，她說：「有晚我瞓唔着，媽咪畀咗兩嚿榴槤我食，點知我之後嗰五日就豪屙、狂屙、山泥傾瀉咁屙。」

「家仲有屙水」

祖兒續說：「我又要去菲律賓拍廣告，所以帶咗條屍去做嘢，但係我冇時間睇醫生，有 keep住食藥，返嚟仲屙緊，自己都擔心會係手足口病毒，家仲有屙水，都有瘦少少。」下周三 30歲牛一的祖兒更不顧忌諱詛咒自己，她說：「希望自己過到 30歲啦，前幾日我喺酒店有個燈罩跌落嚟，但我又死唔去，可能我做得善事多。」此外，半年冇上過《勁歌》的千嬅自言不知節目收視差，她說：「《勁歌》係我工作成長中嘅節目，特別有感情，希望唱 live可以刺激我唱得好啲。」採訪：王崇穎　攝影：陳順禎


容祖兒自言肚屙情況已好轉，所以仍未看醫生。

容祖兒屙足五日變喪屍

樂壇天后容祖兒近日肚屙不止疑患上腸病毒，昨晚她現身《勁歌金曲》時透露回想起五日來連環肚屙也感怕怕，最嚴重時有如「山泥傾瀉」，而歸根究柢原來是吃榴槤出事。

容祖兒肚瀉有苦自知，幸有媽咪照顧，病情得以好轉。

容祖兒和楊千嬅昨日到將軍澳電視城擔任《勁歌金曲》嘉賓，剛由菲律賓拍廣告返港的祖兒近四五日來不停肚屙，疑染上腸病毒一事，她說：「有日瞓唔着，媽咪畀咗幾舊榴槤我食，食完之後就狂屙、豪屙、山泥傾瀉……之後仲要連續拍MV同廣告冇時間睇醫生，好似條喪屍咁做嘢，去到菲律賓拍廣告連跳起都冇力，因為冇時間睇醫生，都係媽咪畀啲藥我食，自己都擔心係手足口病毒。」

幸得媽咪照顧

而祖兒的「山泥傾瀉」已好轉變成了「碎石」，但昨日還屙了一次，她笑說：「五日都有唔同嘅痛，有時似洗衣機咁絞，之前又幾乎畀燈罩壓親，都擔心自己過唔到三十歲，好在我有做善事。」雖然屙得慘烈，幸有好媽媽貼身照顧。

至於半年未有上《勁歌》的千嬅，對於近期《勁歌》收視差勁，她說：「唔清楚，歌手最緊要做好自己本分就OK！」可覺得是經常同一班歌手做嘉賓之故？千嬅說：「冇了解過，《勁歌》係我工作成長中重要嘅節目。」問有何方法刺激收視？她說：「唱Live已經好刺激，我會唱好啲。」

陳鴻碩（左起）、楊千嬅及尤雅難得碰頭同台演出。

RUBBER BAND 在《勁歌金曲》中演唱。

千嬅支持林峯

對於有指為遷就林峯演唱會，幾乎每年都在紅館舉行的港姐決賽也要讓路，擔任林峯嘉賓的千嬅說：「收唔到通知喎！咁得意，我有買飛支持林峯，我個姪女都係佢fans。」

祖兒自嘲屙到似條屍

容祖兒日前連屙數天，一度懷疑染上腸病毒，剛由菲律賓返港的她坦言曾擔心過不了三十歲，但相信是因平日多行善而有後福。

祖兒昨晚上《勁歌金曲》獻唱冠軍歌《一直看見天使》，談到疑似染上腸病毒，她說：「屙咗四、五日，屙到怕，自從某日食咗媽咪畀我嘅榴槤就勁屙、豪屙，山泥傾瀉咁屙，跟住第二日拍MV，第三日去菲律賓拍廣告，成個人好似條屍咁。」

主持MC Jin介紹《超級巨聲》一班的成員陳鴻碩（右）出場。



身穿地圖圖案連身裙的千嬅，與前輩尤雅同台演出。



祖兒邊按着肚子，邊回顧過去數天肚屙的苦況。

千嬅撐林峯開騷

昨晚《勁歌》的嘉賓還有楊千嬅、尤雅及陳鴻碩，已半年沒上《勁歌金曲》的楊千嬅，得悉節目收視比《警訊》還低時說：「唔知喎！係咪o架！總之我做好自己歌手本分就OK啦！」千嬅坦言對《勁歌》有特別感情，因是她成長中一個很重要的節目，問她如何幫助刺激收視，千嬅謂會落力唱好。另外，對有指林峯搶了港姐在紅館的檔期開騷，有份做嘉賓的千嬅表示不知情：「收唔到通知喎！咁得意，我有買飛支持林峯！我姪女都係佢Fans。」

影視組

祖兒昨晚出席《勁歌金曲》時已康復得七七、八八，未有影響演出。