髮飾$210、 Mercibeaucoup外套$2,200、 Balenciaga手袋$16,000、手鐲$590
俾拉姑谷行進補養好身體的栢芝，還要等一段日子才可進行減肥大計。
探熱針
栢芝媽冇影 拉姑同住做陪月
2010年06月10日
剛為謝家誕下二少 Quintus，產前體重升至百七磅的張栢芝，由入院至出院，都成功避開傳媒耳目，避免脹爆身形曝光。上週三（ 6月 2日），仍在坐月階段的栢芝現身九龍灣睇傢俬，仍然口腫面腫的她精神不錯。
再度做嫲嫲，但拉姑仍極為緊張，為貼身照顧新抱，下令栢芝搬往其羅便臣道的寓所坐月，全天候日補夜補外，更可與兩粒孫仔日對夜對，一舉兩得。
丟低鬍鬚 Kong
張栢芝於上月十二日順產再添丁，兩度做嫲嫲的拉姑極為興奮，日日奔波勞碌，進出醫院探望新抱及孫仔，大小事務跟到足，包括安排司機、菲傭四出派薑醋給親戚朋友。
而為了幫新抱進行全面產後調補大計，及見多孫仔幾面，拉姑更安排栢芝搬入其羅便臣道舊居坐月，自己仲做埋陪月。為此，去年已搬往司徒拔道曉廬的拉姑，亦暫時放棄與老公鬍鬚 Kong同住，搬回舊居貼身吼實栢芝。
「產後嘅身體保養其實好重要，尤其栢芝諗住繼續生，霆鋒又忙，又成日唔喺香港，所以拉姑好緊張，要幫佢進補。再講，佢又想多啲時間見住兩粒孫，但栢芝赤柱屋企比較遠，拉姑咪索性叫佢搬去羅便臣道間屋度坐月，方便照顧。」知情者透露。
栢芝亦言聽計從，出院後立即搬往與拉姑同住；不過滿足了奶奶，卻忽略了栢芝媽。一向被傳與拉姑關係麻麻的栢芝媽，由栢芝入院到出院，連日來亦未見蹤影。
週二（八日），拉姑與老公鬍鬚 Kong到銅鑼灣行街掃貨，心情大靚的拉姑又買衫，又掃 CD，滿載而歸。在商場逗留了一小時才離開。
日前，張栢芝在尖沙咀 shopping時，巧遇 09年亞姐王津津，被對方邀請合照，相中的栢芝化上淡妝，顯得臉圓圓，身形亦明顯比以前發福了不少。
新加坡遙控
「栢芝好聽拉姑話，知拉姑擔心，咪搬去同佢住。上星期，拉姑去咗新加坡幾日，佢又擔心栢芝心急減肥唔食嘢，千吩咐萬吩咐啲工人要日日煲湯俾佢飲，又叫私人司機接載栢芝出入，等佢即使人不在港，一樣可以廿四小時知栢芝行蹤。不過， Quintus出世咁耐，都未見過栢芝媽去探栢芝同個孫。」栢芝身邊人透露。
上週三，生完第二胎只有兩星期的栢芝，在拉姑催谷式的進補下極速恢復元氣，在助手陪同下，坐住拉姑的七人車，素顏到九龍灣睇傢俬。產後的栢芝顯得面圓圓，精神十分好，仍未修身的她穿上一身 Mecibeaucoup潮服，鬆衫闊褲亦難掩飾脹爆身形，與昔日的苗條相距甚遠。
睇完傢俬，栢芝再到銅鑼灣，其間見有記者跟蹤，即帶記者兜圈遊花園，擺脫記者。
栢芝誕下細仔後，謝家上下歡天喜地，拉姑連日來更吩咐菲傭四出派薑醋給親戚朋友。
栢芝與弟弟張豪龍感情要好，豪龍亦經常出入拉姑寓所，日前兩姊弟更齊齊行街 shopping。
本月 27日，栢芝將飛往上海為代言的床上用品宣傳，拉姑對於栢芝復工雖極力反對，但合約已一早簽訂，拉姑亦無辦法。
過往栢芝母女經常孖咇出席公開活動，但自從栢芝下嫁霆鋒後，有傳栢芝媽與拉姑不和，兩母女關係已不如以往親密。
栢芝的細仔 Quintus，樣子跟爺爺謝賢長得餅印一樣，五官輪廓分明，相當英俊。
親家不親
一直有傳拉姑嫌棄栢芝娘家的背景複雜，要求栢芝疏遠母親，以致兩親家的關係水溝油。
2008年，拉姑被指唆擺霆鋒停止俾家用栢芝媽，以致栢芝媽要到男友投資的飯店做樓面，自力更生。
2009年，栢芝一連兩日邀請親友到舂坎角新居慶祝母親節，但有傳拉姑謝絕栢芝媽進入謝家大宅，所以兩日皆未見栢芝媽蹤影。
有傳栢芝懷有 Quintus時，拉姑為了讓新抱專心養胎，要求她與又煙又酒的栢芝媽少見面，兩母女只好靠 SMS聯絡。
2010年， Quintus出世後，被杯葛的栢芝媽反應冷淡，有朋友在 facebook恭喜她再度做外婆，栢芝媽竟以一句「沒感覺」回應，亦一直未有現身探望栢芝。
留言列表
{{ article.title }}
