商場睇世界盃着數多 @ 娛樂八掛大放送★

Jetso

商場睇世界盃着數多

2010年06月04日

今年睇世界盃，最筍選擇係走入全港各大商場嘆住冷氣睇超級大電視。商場有齊 64場高清直播，仲免費請食燕窩、龜苓膏，又或豪送總統套房、四頭鮑魚，係咪球迷都一定捧場啦！

奧海城
送總統套房+燕窩粥+四頭鮑魚

睇波睇到有機會住$22,000的總統套房，翌日食埋鮑魚燕窩粥同四頭鮑魚做早餐，咁嘅人生享受，係今屆世界盃先至有！奧海城呢個全港最豪的住宿及美食，會喺總決賽當晚（係 7月 11日）送出，只要你喺 6月 11日至 7月 4日期間在商場用電子貨幣累積消費滿$1,000，即可到 2期地下禮賓處索取報名表格。之後繼續購物累積消費，款額最高者就會成為幸運兒。

截止報名日期： 7月 5日 10pm
查詢： 2740 4102/ 2740 4108

皇家太平洋酒店總統套房

最豪！<br/>四頭鮑、燕窩粥做早餐，夠晒豪！
最豪！
四頭鮑、燕窩粥做早餐，夠晒豪！

apm
嘆米芝蓮星級服務

一向肯落本的 apm商場，搭建咗大型足球場館及看台，只要在商場購物滿$100，憑單一即日電子消費單據，或捐款$10給救世軍，便可入場睇波。佢哋仲有個米芝蓮 8星級酒店貼身服務，不單供應米芝蓮級中西套餐，還有淋浴、男士剃鬚、女士美容、洗熨衣服等，翌日仲有專車接送去上班㖭！

日期： 6月 11至 7月 11日逢星期五、六及日
時間： 11pm-翌日 9am
參加方法：在商場消費滿$3,000，以單一即日電子貨幣消費計算，即可享用貼身服務。每日名額一名，可帶同最多 9位朋友一同享用服務。
查詢： 2267 0500

睇通宵波可免費享用淋浴、洗熨服務，好體貼！

米芝蓮級數中西式套餐任揀。

新都城中心/新港城中心
免費食燕窩、龜苓膏

睇夜波最驚虛火上升，加埋食薯片零食，好易熱氣爆瘡。將軍澳新都城中心和馬鞍山新港城中心就體察到球迷的實際需要，只要換領咗睇波入場券入場，喺直播三十二強至十六強賽事期間會送上涼茶，八強賽就送龜苓膏，決賽仲有燕窩俾球迷滋補養顏，全部都係免費 o架！

換入場券日期： 6月 5日起分階段換領
換領時間： 1pm-9pm或者換完即止
換領地點：新都城中心及新港城中心商場詢問處
換領方法：由 6月 5日起，喺兩個商場任何一個用電子貨幣消費滿$250，憑即日單一收據，連同電子貨幣交易存根，即換到睇波入場券一張。

德福廣場、青衣城
專門按摩師侍候

德福廣場及青衣城除咗為入場球迷送上滋補湯水、咖啡、健康特飲、零食美點等提神撐睇波外，最正係安排埋專業按摩師長駐現場，幫大家消除睇波睇到眼倦、頸梗膊痛的問題，仲特設咗球迷專用洗手間，唔使去商場洗手間咁遠，就唔驚睇漏入球啦！

入場睇直播方法：即日以電子貨幣喺兩個商場任何一個消費滿$100，就可到德福廣場二期三期或青衣城一樓夢幻島，憑消費收據安排優先入場。
查詢： 2750 0877（德福廣場）、 2186 7284（青衣城）

出動專業按摩師幫球迷鬆骨，真係有諗頭。

睇球賽有免費食品飲品送上，就唔怕會餓親。

在世界盃期間，青衣城一樓的夢幻島會變身成為 6,000呎的南非足球場，估計可同時容納 3,000人睇波。

新地八大商場
免費睇波

新地旗下八個商場，包括世貿中心、上水廣場、將軍澳中心、東港城、荃錦中心、錦薈坊、卓爾廣場及新領域廣場好大方，一個仙都唔使就可以睇直播賽事。而且仲搞咗個體貼的名貴專車翌日接送上班服務，分別喺世貿中心、上水廣場及東港城舉行，每晚夜場賽事中都會選出一位幸運兒。

專車接送獎賞：世貿中心於十六強賽事日， 10pm賽事的直播期間抽出幸運兒。上水廣場於八強賽事日， 10pm賽事的直播期間進行。東港城於半準決賽及決賽日直播期間進行。所有進場人士會獲派抽獎券，填妥後放回抽獎箱即有機會獲獎。

市民不用消費，就可在新地的八間商場免費睇波。

喺新地八大商場消費滿$400-$800，即可換到多款世界盃紀念版精品，包括毛巾、水樽、水杯等。

朗豪坊
請食消夜

朗豪坊夥拍 adidas將商場四樓的通天廣場，變身為南非 Green Point球場，咁睇波咪特別好 feel囉。而且喺商場食肆消費滿$100，並於 9:30pm或以後結帳（以電腦列印單據的時間為準），就有機會贏得$100商場現金禮券，變相請食消夜。

日期： 6月 11至 7月 11日
免費請食消夜參加方法：在消費單據背面寫上姓名及聯絡電話，然後投進商場一樓或四樓的抽獎箱內便可。
查詢： 3520 2800

朗豪坊的通天廣場將變身南非的 Green Point球場。

Visa卡
每日送$5,000

Visa卡主玩神射手遊戲，既考腳法又可贏獎品。

首次贊助世界盃的 Visa卡，同時代廣場搞咗個「 goal Visa足球神射手」遊戲，所有 Visa持卡人喺全港任何商戶單一消費滿$500，就可以去時代廣場玩遊戲贏獎品，包括每日送出$5,000Visa預付卡及過千項商戶優惠，例如 Mi-tu的精選貨品半價， French Connection及 CNC的精選貨品有八五折等。

日期：至 6月 13日
時間： 10am-10pm
地點：銅鑼灣時代廣場 2樓
查詢： 2118 8900

睇波前先掃貨！

先施三間分店同時舉行緊「瘋狂大減價」購物日，一於每日睇準重點勁減價貨品出擊！

日期：至 6月 7日
查詢： 2830 1016

名牌家品大割價

踏入年中，城中又湧起減價熱，海港城 Bazaar展銷集就舉行「優質生活精品開倉大特賣」，很多熟悉的品牌例如德國寶、雅芳婷、東方紅等的貨品都以低價發售。

日期：至 6月 6日
時間： 11am-9pm
地點：尖沙嘴世界商業中心 3字樓
查詢： 2118 8666

德國寶光波萬能煮食鍋，集無火、無煙、無油的優點，原價$1,830，七折價$1,280，兼俾多$1可以換$520的蔬果榨汁機或$480的蒸氣熨斗。

Forever Friends行李喼， 20吋及 25吋套裝原價$1,760，三七折價$650。

半價食日本美食

香港人特別鍾意食日本菜，依家旺角朗豪酒店的日本餐廳 Tokoro爐端燒日本料理及酒吧推出筍吃優惠，只要喺 Tokoro的 facebook專頁上訂位，逢星期一晚市的單點食物有半價優惠，但最少要二人惠顧。

日期：至 6月 28日，晚市 6:30-10:30pm
查詢： http://www.facebook.com/pages/Hong-Kong/Tokoro/120289108008296

半價食日式爐端燒及日本食品，真係好吸引！

$1吃二人餐

6月 6日會送出 La Parole的二人套餐，包括主菜焗龍脷柳配芝士白汁（左）或火腿香菇意大利飯。

逢星期日喺青衣城兩間或以上指定商舖，用電子貨幣即日累積消費滿$1,000，每張收據須$100或以上，就可加$1換取指定食肆的二人套餐券一張，每人每次最多換二張。每周有 500個名額，換完即止。

日期：至 7月 4日逢星期日
換領時間： 12nn-10pm
換領地點：青衣城 3樓推廣活動攤位
查詢： 2186 7284

信用卡優惠站
滙豐卡　五折食飯

仿膳飯莊的四人餐，包括半隻北京填鴨、宮爆明蝦球及糟香魚片等多道招牌菜式。

憑滙豐卡去仿膳飯莊、十八溪粵菜館、小城知味，或者食歐亞菜的茜廊餐廳，可點選低至五折的套餐，例如京味四人套餐（原價$998），星期一至四半價$499；茜廊餐廳的二人套餐（原價$380），半價$190，都幾抵！

優惠期：至 6月 30日
查詢：仿膳飯莊（ 2751 8338）、十八溪粵菜館（ 2827 8802）、小城知味（ 2956 0888）、茜廊餐廳（ 2756 2218）