探熱針
賭城偷食 A. Lin數臭賤男曾國祥
2010年06月10日
曾志偉兒子曾國祥，近日被踢爆背住拍拖九年女友連環偷食四女，除 A.Lin（裴殷）外，又同時搭上對方的好友，理大校花蔡瑩瑩（ Ivy）及洪天明前女友梁郁霖（ Lillian），事後死撐冇周圍「食」女的曾國祥，暗寸 A.Lin借他搏上位。對於曾國祥唔認數，有賭城親密照有情信在手的 A.Lin鬧爆：佢好虛偽，做戲做得好逼真。
激動流淚
週日（六月六日）晚上，曾國祥出席有份演出的電影《前度》首映禮，對一腳踏四船偷食事件依然不肯正面回應，強調清者自清，無需向任何人交代，有拍拖多年女友支持就夠，其間更向拍拖半年，被他撇甩後要睇精神科醫生的 A.Lin冷言冷語：「我明白大家係搵食，真心希望件事對個女仔（ A.Lin）事業有幫助。」
連日來在微博反擊賤男偷食唔認數，又獲好姊妹盧頌之（ Da Da）公開在微博力撐，不過日前被前度男友及世伯曾志偉冷嘲一番後， A.Lin情緒再次跌至谷底。週一（六月七日）黃昏，本刊發現她跟 Da Da在鯉景灣海旁餐廳飲嘢傾偈， A.Lin全程不停講，坐在對面的 Da Da則聽多講少，愈說愈激動的 A.Lin更一度眼泛淚光，然後又拎起手袋左摷右摷，拿出一張寫滿字的咭遞給 Da Da。
阿仔，揀多幾個冇問題！設計對白（《蘋果日報》圖片）
今年二月曾國祥跟老豆曾志偉出席陳小春與應采兒婚禮，不過曾國祥未有帶 A.Lin觀禮。離開大隊後的他，就拖住女友周圍影相留念。
曾國祥週日在首映禮上暗寸 A.Lin借戀情搏上位， A.Lin反駁他講大話唔認數，繼續隔空互罵。（《蘋果日報》圖片）
情信在手
原來， A.Lin隨身帶住的一張咭，是曾國祥在今年情人節寫給她的「情信」，氹女有一手的他以「 Chu Chu」（豬豬）稱呼女方，情信內容大概指有很多話要跟女方說，但又怕詞不達意，二人的一段感情雖然未知結果，他卻是十二分認真；另外，又對女方願意犧牲做第三者表示歉疚，將賤男包裝成有情有義。
據了解，今年二月，曾國祥趁正印女友要返內地公幹，帶同 A.Lin到美國拉斯維加斯出席陳小春同應采兒的婚禮，並慶祝二人第一個情人節，不過， A.Lin不能以女朋友身份出現，全程偷偷摸摸。
週一黃昏， A.Lin同 Da Da傾偈，忍唔住攞出情人咭給對方睇，更一度眼泛淚光。
傾完偈，二人晚上到粉嶺開工，在新戲《殭屍新戰士》齊扮殭屍。
甜品冧女
「 Derek（曾國祥）拍拖無耐，就問 A.Lin佢同正印女友分手好唔好， A.Lin覺得自己做第三者已經好唔啱，唔應該再有咁多要求，況且佢覺得 Derek都好辛苦，同女朋友（正印）喺埋一齊九年，根本好難一刀切，當時 Derek每次見 A.Lin，都要等女朋友去咗第二度做嘢，先會有時間陪佢，有時又會特登整啲心太軟（朱古力甜品）送去俾 A.Lin，氹佢話見唔到人，都有甜品頂住。後來俾 A.Lin發現除咗自己之外，仲有第四第五者， Derek根本講一套做一套，加上連曾志偉都出口支持個仔要識多啲女仔，佢先知道自己真係蠢到死，冇帶眼識人。」 A.Lin身邊人透露。
對於二月中跟曾國祥在賭城共度情人節兼收情信， A.Lin在電話中承認真有其事，更忍唔住大數對方：「我同佢（曾國祥）一齊過係事實，佢唔認都冇辦法，佢份人好虛偽，做戲做得好逼真，不愧係演藝世家出身。」
入行十年，由低做起的曾國祥早前執導第一部電影《戀人絮語》，有林嘉欣（左二）、謝安琪（左一）以及向佐（右三）等好友撐場演出。
Da Da一直力撐 A.Lin，在微博中反擊曾國祥花弗玩弄感情。
第四者 Ivy是 A.Lin朋友，不過二人在甩拖後才知道對方存在。（《蘋果日報》圖片）
洪天明前女友 Lillian跟曾國祥拍過拖，是傳聞中的第五者。（《蘋果日報》圖片）
Dearest Chuchu:
其實有很多事情想跟你說，但要下筆的時候，又覺得詞不達意，不管我們往後會怎樣，我只想你知道跟你一起的這些日子，我真的很開心。我知道現在的關係對妳是很不公平的，但希望你知道，我對你是很認真的。
Happy Valentine's Days Luv D
宅男女神
有「翻版阿 Sa」之稱的 A.Lin（裴殷），原名朱麗玲，現年 21歲。 16歲出道做龍模，曾拍攝多個廣告及 MV。去年正式加入 GME，成為周秀娜師妹，當時是八模的其中一員，憑八模寫真《 Girls Look Book Vol 1》上位，成為宅男女神，曾傳有圈外男友 Stanley Tse，但 A.Lin對緋聞通通否認，今次遇上花心賤男，損手爛腳。
靜默風流
30歲的曾國祥（ Derek），曾志偉的兒子，入行近十年，曾於多部電影中客串，包括《金雞》、《我要成名》及近期的《維多利亞壹號》。至於幕後方面， Derek更是由低做起，曾跟過陳可辛，由場記做到副導演，更兼任電影《伊莎貝拉》的編劇，電影《戀人絮語》則是他操刀做導演的處男作。在影圈默默耕耘的 Derek，感情生活卻多姿多采，瞞着拍拖 9年的圈外女友嗒盡 o靚模，唔聲唔聲，嚇你一驚。
隔空互罵
紙包唔住火， A.Lin（裴殷）發現前男友曾國祥（ Derek）原來係一腳踏多船的情場騙子後，大受打擊，於是在微博發洩，痛斥負心男，二人更隔空駁火。
6月 2日
A.Lin被玩弄感情報導出街當晚， Derek即時在微博回應，表示不忿遭人抹黑。
A.Lin即時語帶諷刺的回應，指 Derek講大話。
6月 3日
曾志偉回應事件時，指兒子「冇用！冇啲父風！」又指揀女友如叫菜食飯，選擇要多，要溝夠 30個。 A.Lin寸爆回應：「佢應該尊重女性。一個人一碗飯、一碟餸已經夠，做人專一！阿媽由細到大都教要珍惜食物，唔好亂食嘢，會肚痛。」
6月 4日
事件峰迴路轉，有份參選應屆港姐的洪天明舊愛 Lillian，被指同期與 Derek交往， Lillian在微博回應，指對該莫名其妙的報導感到驚訝、無奈，不想牽涉其中。
而事件另一女主角蔡瑩瑩（ Ivy）則在微博中呻被誣衊，自己不需要宣傳。
6月 7日
Derek於電影《前度》首映禮上現身，首次開腔表示清者自清，暗指有人放料：「今次是誰放料和策劃，已經呼之欲出，不過我明白大家要搵食……我真心希望這件事可以對她有幫助。」
晚上 A.Lin在微博上又對「清者自清」的言論回應：
6月 2日
6月 2日
6月 7日
留言列表
{{ article.title }}
