大熱
有七分似湯唯嘅 Elle，屬大熱之選，相信再執過化妝同髮型，應該見得吓人。
同你吟一吟
翻版湯唯 內定港姐冠軍
2010年06月10日
今屆香港小姐入圍佳麗星期一（六月七日）正式公開亮相，老實講，質素麻麻地，能否經過形象改造化腐朽為神奇，未知，當日同傳媒見面嘅十四位佳麗之中，以「翻版湯唯」 Elle最標青，更有傳係今屆港姐內定冠軍。
聽聞 Elle係舞林高手，無綫為咗遷就佢參加香港舞蹈團比賽，專登延遲公布入圍名單，更縮短集訓時間，等佢有更多時間排舞。
對於上述傳聞，無綫外事部馬上否認：「完全無可能，公司响年初嘅會議已經定好晒比賽日期，唔會遷就任何一位佳麗。」
除咗 Elle屬大熱人馬，長髮及腰的 Phoebe，以及莊思敏細妹莊思明，狀態算最突出，而盛傳吸毒，曾經响旺角酒吧打工嘅「脹爆王祖賢」 Sammi張秀文，見記者想問佢回應，驚到即刻閃。
同樣有份入圍嘅 Jelly Girl成員張莉莉，就因為屋企有事，傍晚時分先至蒲頭，至於有關佢整容傳聞，綜藝科總監何麗全答案可圈可點：「唔知，無條例唔准，整容有好多種，整牙都算。」整容都話得，唔怪之得傳出變性人攞過三甲啦！
次熱
擁有健康膚色嘅 Phoebe，以及莊思敏細妹莊思明，質素算中上。
冷馬
北方味濃嘅 Queenie雖然唔算靚，但貼身裙將身材表露無遺，泳衣環節肯定加分。
脹爆王祖賢
「走樣曹敏莉」 Alice，以及「哨牙陳樂榣」 Krizia，擺明陪跑一族，即使「脹爆王祖賢」 Sammi唔夠靚，勝在負面新聞多，見報率肯定高。
哨牙陳樂榣
走樣曹敏莉
全站熱搜
留言列表
{{ article.title }}
