娛樂八掛大放送★

試完衫唔買　 10元雞蛋仔當兩餐慳妹百果園 E神行街見暈

近日人氣急升密密接 job的百果園Ｅ神陳靜（ DaDa），本周日偷空到尖沙嘴行街買衫，不過，行足成粒鐘的她，竟左試右試也捨不得出手。之後餓到暈的 DaDa到附近買了 10元雞蛋仔當早、午餐醫肚，認真慳家。

其他娛樂名人影片

百果園Ｅ神陳靜（ DaDa）本周日（ 6日）單拖到尖沙嘴利時商場行街睇衫，她在地下兜了一圈後便走進其中的 Season 4時裝店，左揀右揀後，揀了一件紅色 tube top試身，又試穿高跟鞋。其間 DaDa不時露出深深的事業線，但最後還是空手離開。之後她再到樓上店舖睇衫，但兜了好一會還是沒有收穫。離開利時後， DaDa走到加連威老道買了 10元雞蛋仔及一包紙包飲品，然後邊行邊食，一副相當肚餓模樣。

放大圖片

雖然 DaDa揹上過萬元的 Chanel手袋，但其他方面卻是慳妹一名，只買雞蛋仔醫肚。

放大圖片

DaDa日前行街時見到心儀高踭鞋，可惜價錢稍貴令她左度右度，最終冇買。

收入未穩定

前日記者致電 DaDa，問她為何行街不找個伴時，她說：「當日我約咗朋友，但未夠鐘，所以咪行吓街先！近排我工作好忙，嚟緊世界盃有好多 function做，順便睇定啲衫。」談到當日她邊行邊食雞蛋仔相當為食， DaDa解釋說：「呢餐係我早餐同午餐，呢排 keep fit，唔敢食好多，零食更加唔可以，公司叫我忍口。不過，嗰日行行吓見頭暈，所以買雞蛋仔食。」記者指她十分慳儉， DaDa說：「我想儲多啲錢，因為收入未穩定，自己又搬咗出嚟住，有一定開支，有時工作夜趕時間要搭的士，所以其他開支慳得就慳。」採訪：比華利攝影：楊浩賢、黃曉程


近日 DaDa已經在娛圈闖出名堂，但她依然如其他少女般四處行街買零食。