Rainbow未開聲監製鬧爆

胡心諾（Rainbow）今年全面「升呢」，前晚率冬甩（Donut）其中四位師妹「翻版蔡依林」曾寶玲（Ar Yu）、許麗燕（Irene）、劉瑋欣（Vilian）和何嘉兒（Sweet）到柴灣一錄音室錄歌，原來她們即將擔任新一屆的「動漫女神」，並會獻唱主題曲。

Rainbow自爆錄音期間被監製訓話。

由於冬甩成員從未接受過正規歌唱訓練，錄音期間笑料百出，Rainbow更自爆被監製「訓話」，她說：「我哋都係第一次入錄音室，估唔到正式錄歌係咁難，同唱K完全兩回事。Ar Yu同Sweet有啲跟唔到拍子，我仲畀監製話我未開聲。」Ar Yu其後即尷尬地說：「其實我平時唱歌唔係咁差，可能第一次太緊張，之後應該會愈唱愈好。」

Rainbow和師妹都是第一次入錄音室，實行努力練歌做到最好。

懶理抨擊

據知Rainbow和Ar Yu稍後有機會跳出Donut唱自己歌，難怪Ar Yu練歌時特別落力，谷出Y型胸自彈自唱，她說：「因為我接咗個online game嘅代言人，有機會唱埋主題曲。」另新八模最近連番抨擊Donut，Rainbow沒好氣地說：「最好做番自己嘅嘢啦，唔使其他人幫我哋做宣傳。」