歐陽震華續留ICU 好轉歐陽震華開聲慰妻傅潔嫻－娛樂八掛大放送★

歐陽震華續留ICU 好轉歐陽震華開聲慰妻傅潔嫻

續留ICU好轉
歐陽震華開聲慰妻 132,953

■歐陽震華昨日仍留ICU吊鹽水。資料圖片

歐陽震華（Bobby）大前日開P團拜，有傳酗酒出事，凌晨被送往律敦治醫院ICU搶救，經理人Lydia澄清只是急促進食嗆喉導致急性肺炎，昨日情況好轉，其妻傅潔嫻現身醫院時表示Bobby反安慰她不用驚。Bobby孭飛的無綫新劇《情逆三世緣》受影響，可能隨時停工。

現年52歲的師奶殺手歐陽震華，大前日年初二與陶大宇、謝天華等到友人家狂歡暢飲，Bobby前日凌晨突然昏迷被白車送往灣仔律敦治醫院，在深切治療部（ICU）插喉留醫，其經理人Lydia表示Bobby因急促進食嗆喉導致急性肺炎。Bobby太太、澳門前賭王傅老榕孫女傅潔嫻前日探望夫婿時眼紅紅，但Bobby經醫生搶救後情況好轉，傅潔嫻昨日現身醫院時已再現歡顏。

■傅潔嫻昨日探望老公Bobby後，向記者報平安時現笑顏。「佢叫我唔使驚」

有讀者昨日報料指Bobby出事時正在好友Ben Chan家開P，突然發生意外嚇壞朋友，Lydia前日否認他是飲酒出事，Lydia昨午一時多再陪傅潔嫻到ICU探Bobby時說：「佢今日比噚日好好多，識得講嘢，幾時轉普通病房要等醫生通知。」
Bobby大步檻過，傅潔嫻也說：「佢精神好好多，唔可以食嘢，要吊鹽水，佢叫我唔使驚。」雖然朋友想探望Bobby，但遭其家人婉拒，傅潔嫻說：「朋友都話嚟，我話遲啲先，佢喺ICU唔係咁方便，我諗好快醫生可以安排轉普通病房。」眼佈紅筋的傅潔嫻昨午五時多再到醫院，Lydia代答：「Bobby要留多日ICU，佢食咗藥有啲攰，出晒鬚根。」Bobby可會戒酒？Lydia說：「唔關酒事，係有菌入咗肺。」

■關詠荷表示檔期可以延長配合，最重要Bobby康復。資料圖片新劇隨時被抽起

無綫劇《情逆三世緣》監製莊偉建，昨日在電話中被問到今日是否繼續開工時說：「抽其他戲份拍住先，就算佢（指Bobby）出院都等佢休息吓先。」莊偉建透露《情》劇拍了三分二，原定下月5日出發到佛山拍外景，不過隨時有機會抽起劇集不拍：「要抽起都唔定，等聽日（指今日）返公司開會先有決定。」
《情》劇女主角關詠荷今日繼續開工，她在電話中說：「照開工，話搵替身代Bobby拍，如果拍攝期要延長，我配合到，最緊要Bobby冇事行返出嚟。」
採訪：楊潔雯、譚倩宜
攝影：陳俊強

Bobby好轉甦醒吊鹽水

歐陽震華（Bobby）年初二與好友開年狂歡玩到凌晨四時，之後Bobby被太太發現昏迷不醒送院救治，至昨日還在深切治療部（ICU）留醫。Bobby太太傅潔嫻昨日到醫院探望Bobby後指丈夫病情已見好轉，但仍要吊鹽水，她開心說：「佢醒番，仲叫我唔使擔心。」傅潔嫻又說Bobby有望轉到普通病房。

歐陽震華已甦醒，但仍然未能進食，要吊鹽水。（資料圖片）

現年52歲的歐陽震華年初二晚約了圈中好謝天華、陶大宇、郭政鴻和吳卓羲等開年飲酒狂歡，直到凌晨四時許Bobby太太傅潔嫻發現他昏迷不醒，隨即召救護車將Bobby送到律敦治醫院急救，並診斷Bobby因食物落錯位導致急性肺炎，隨後被送到深切治療部（ICU）留醫。

昨日下午一時，傅潔嫻與Bobby經理人Lydia前後腳到達醫院探望Bobby，兩人在ICU逗留了二十分鐘，傅潔嫻離開病房時，心情明顯比前日輕鬆得多，問到Bobby病情，傅潔嫻說：「佢醒番，清醒番，認到我，講到嘢，好番啲喇，但未食到嘢，仲要吊鹽水。（Bobby知道你好擔心？）知，佢叫我唔使擔心。（幾時可以轉普通病房？）要再同醫生商量，應該好快。」傅潔嫻指不少朋友也希望探望Bobby，但因ICU不便，要待他轉到普通病房才可作安排。

經理人Lydia及傅潔嫻向傳媒交代歐陽震華病況。

歐陽震華太太傅潔嫻昨到醫院時表現較前日輕鬆。

佘詩曼希望老友歐陽震華早日康復。（資料圖片）
好友微博祝福

傅潔嫻昨午四時與Lydia再到ICU探病，直到五時二十分離開，當時見傅潔嫻表情仍然輕鬆兼有笑容，可見Bobby病情繼續穩定。Lydia被問到Bobby有甚麼說話，她說：「佢好番好多，食咗藥好攰，好似平時咁眼瞓。（會唔會轉院？）未知。（幾時轉普通病房？）醫生話要睇多日。」傅潔嫻補充說：「醫生話要睇埋今晚（昨晚）。」Lydia又說Bobby病情與飲酒無關，只是啃親、有細菌入肺引致急性肺炎。

Bobby在圈中人緣甚佳，他入院後有大批好友在微博為他祝福打氣，佘詩曼寫道：「大爺早日康復！」錢嘉樂則說：「祝Bobby安康，福星高照。」朱晨麗、王君馨和江美儀都有送上祝福。

採訪：影視組

Bobby醒番老婆笑番

無綫小生歐陽震華（Bobby）年初二開年飲酒狂歡至凌晨，被太太發現昏迷不醒送院，他昨日還在深切治療部（ICU）留醫。而Bobby太太昨日探病時明顯比日前輕鬆得多，面帶笑容，指丈夫病情好轉已醒番。

歐陽震華年初二晚與老友謝天華、陶大宇、郭政鴻和吳卓羲等開年狂歡，至半夜四時許，Bobby太太傅潔嫻發現丈夫昏迷不醒，即召救護車送他到律敦治醫院急救，原來他因食物落錯格導致急性肺炎，直至昨日仍在深切治療部留醫。

昨午一時，Bobby太太與Bobby經理人Lydia前後腳到醫院，在ICU逗留二十分鐘。傅潔嫻離開病房時，相對前日滿面憂心，心情輕鬆得多，問到Bobby病情，她說：「佢醒番、清醒番，認到我，講到嘢好番啲喇！但係就未食到嘢，仲要吊鹽水。（Bobby知道你擔心﹖）知呀！佢叫我唔使擔心。（幾時可以轉普通病房？）要再同醫生商量，應該好快。」雖然Bobby朋友擔心不已，不過傅潔嫻指ICU不便探病，要待他轉到普通病房。

等轉普通病房

其後，傅潔嫻與Lydia再到ICU探病，逗留了個多小時，傅潔嫻表情愈見輕鬆兼面有笑容，可見Bobby病情好轉。問到Bobby有甚麼話說？Lydia說：「佢食咗藥攰，似平時咁眼瞓。（會唔會轉院？）未知。（幾時可以轉普通病房？）醫生話要睇多日。」在旁的傅潔嫻則補充：「醫生話要睇埋今晚。」Lydia強調Bobby病情與飲酒無關，只是骾親有細菌入肺引致急性肺炎。

影視組