儲開日本 figures的他,轉改支持本地創作,香港「 Hot Toys」老闆在去年送了三個樣貌造型精細的荷李活電影人物 figures給他。
探熱針
買唔停手 劉以達 儲物狂夫婦
各據山頭
劉以達去年兩度搞達明復合演唱會,推出個人新碟《希望之旅》,馬不停蹄到內地及台灣宣傳,再度活躍樂壇。趁今年同太太 Anges結婚十五周年,阿達希望大搞一鑊,彌補當年被指到深井燒鵝酒家 cheap娶靚老婆的不足。
能夠風雨同路,兩公婆同聲同氣是其中的關鍵。在大埔林村的愛巢,由客廳伸延到阿達的造歌音樂房,放滿他最愛的蝙蝠俠 figures、模型車以及近百個外國電影 figure公仔。至於達嫂,則霸佔了整個飯廳及走廊位,放滿四圍收集得來的歐洲公仔及微型公仔屋。
「我十幾歲開始儲 figure,只係無而家咁癲。但其實我老婆儲 嘢仲多過我,每次出街,見到靚 figure我仲喺度十五十六,佢就會話:『買啦,靚呀!』係佢導我升仙。」用掃幫公仔做清潔的阿達說。
各玩各
達嫂儲歐洲公仔,這個可着燈、有五十首音樂的旋轉木馬,達嫂說是有次老公不肯陪她旅行的「賠禮」!
共患難
幾年前,無工開、無飯食,萬念俱灰的劉以達一度攀過欄杆想跳樓,達嫂激動攬實老公說:「你走咗我點算?」自此,雙雙成為教徒。
三日大掃除
全部心頭好無遮無掩通屋擺,劉以達解釋不會效法同道古天樂,買個倉來存放自己的寶貝。「用櫃放,好整齊嗰 啲係用嚟炒,會買賣;但在我嚟講,嗰 啲係我 嘅生命,一齊生活,唔會賣!我鍾意同佢 哋傾偈,睇睇吓電視幫佢 哋轉吓甫士,一家人一樣。」
至於愛儲歐洲傳統木公仔的達嫂更誇張,見靚就買。「我鍾意响跳蚤市場搵平 嘢,雖然係中國製,但勝在價錢平,(大掃除咪好麻煩?)我用 咗三日時間掃塵,阿達嗰啲要用特別嘅清潔劑不停抹,係好大工程。」既然自己攞嚟,苦差也變成樂事。
半夜嚇人
阿達試過著起成套 Batman衫,在半夜三點落街,嚇到入村的的士司機掉頭走。
各款不同大小的 Batman figures及 Batman車,放滿音樂房的另一邊。
遙控哥斯拉
可遙控走動、變化表情及發聲的哥斯拉,十幾年前售價要幾千蚊,達嫂一見就話買。
老婆仲癲
阿達愛 Batman,達嫂同是儲物狂迷,由歐洲傳統公仔至得意玩物,放滿成屋,有如童話世界。
留言列表