噸位十足的師兄劉浩龍，暴飲暴食搞到心臟出事，減肥計劃無奈中斷，要 keep住肥。
探熱針
反效果 土法增肥 劉浩龍血壓爆錶
劉浩龍增肥二十磅拍王維基 HKTV新劇《第二人生》，為求快速達標，全速暴食的他結果賠上健康，血壓爆錶兼出現心律不正，需要定時食藥。為此，劇集煞科後已開始進行減肥的大計，也被迫即時急停。
中風邊緣
末日開派對，關楚耀（左）扮粉紅暴龍，謝安琪亦一身膠質短裙，似身陷幻想虛擬世界。
早個禮拜，劉浩龍與黃貫中、謝安琪、關楚耀等，在清水灣片廠為新片《末日派對》開工，身穿藍色運動套裝的他，身形跟早前拍劇暴肥時差不多。
「原本諗好咗拍完齣劇就減肥，但之前去醫生度檢查，發現血壓爆晒錶，仲要心律不正，醫生話已經喺中風邊緣，依家要先食藥調理番個身體，暫時唔可以減，亦唔可以再亂咁食 嘢！」劉浩龍說。命仔緊要！
劉浩龍現時依照營養師餐單進食，搞到如斯田地，全因早前以土法增肥，一味暴飲暴食累事。「依家食 嘢好小心，要盡量清淡，我大隻 啲其實都有好處，睇落會成熟 啲，戲路會闊 啲。」
在《末》片中飾演補習天王的劉浩龍，與他是一對的謝安琪和飾演警察的黃貫中再另有感情線，兩個為人父母的人妻人夫還要合演床上戲。
現場所見，謝安琪和黃貫中開口埋口都是兒女經，阿 Paul講起剛三個月大的 BB女一副 冧爆樣，跟其他名氣父母一樣， B女有奶粉贊助，毋需撲奶粉外還捱義氣做埋人肉奶粉熱線。「有朋友搭我訂奶粉幫佢 哋訂埋，唔使周街撲。」黃貫中說。
借政府錢
去年中開始，港產片票房有起色，影圈製作亦回復興旺。之前憑電影《打擂台》再次活躍的泰迪羅賓，今次在《末》片還兼任監製，他表示會將反國教大遊行場面重現銀幕。
「我哋喺現場走入遊行隊伍實地拍，政府總部嘅抗議場面亦係堅料，部戲係講香港人已經走到臨界點，情緒隨時爆炸。」電影有反政府場面，但這部片有四成資金，是來自電影發展基金，泰迪羅賓借力打力，一舉兩得。
泰迪羅賓不但參演一角，還自任監製，每拍完一個鐘頭，即與導演一起睇 playback。
早前反特首大遊行，劇組為求逼真，踩入遊行隊伍中拍攝，重現反國教場面，之後還到政府總部拍攝抗議場面。
早前劉浩龍為王維基拍《第二人生》電視劇，谷肥扮中年人，餐餐自拍大碟蛋牛飯，高脂高膽固醇，超不健康。
穿恐龍裝的關楚耀（下圖），拿起手機為黃貫中和泰迪羅賓拍照，除他們之外，其他人都要打扮得古靈精怪，配合末日氣氛。
黃貫中的三個月 B女，早找到奶粉贊助，他不用周街撲奶粉之餘，還訂奶粉做人情，幫朋友訂埋一份。
留言列表
{{ article.title }}
