同你吟一吟
劉松仁飛車衝燈
早排俾人踢爆瞞住空姐老婆黐富婆,六十三歲嘅劉松仁自從拍完《名媛望族》之後,師奶 fans人數激增,個個讚佢有型唔老。
松哥有女人緣,同《壹》亦有緣。話說上個禮拜《壹》仔揸車路經將軍澳,離遠見到松哥車住個女人,衝完黃燈再衝紅燈,嚇到幾個打算過馬路嘅路人嘩嘩聲!
劈住行,原來松哥係急住送車上位女子返電視城,做完司機,再一支公劈住返何文田寓所。揸車講技術講耐性,一支燈嘅耐性都冇,原來松哥真係人老心不老,同後生仔一樣,性急!
黃燈
劉松仁前面架七人車已經係衝緊黃燈,佢貼住衝埋一份,卒之變 咗衝紅燈!
衝呀
車完人去電視城,松哥再開快車返何文田,六十三歲原來好劈得!