娛樂八掛大放送★

單拖睇騷　首談偷食梁小冰：蹺手好正常

42歲前港姐梁小冰與 50歲的陳嘉輝結婚 12年，近日小冰被指與有線前主持王志海在街頭親熱挽手，日前還帶同兒子疑似返娘家，前晚小冰單拖欣賞許冠文棟篤笑，首度公開回應緋聞，強調只是誤會，但當被問是否執東西返娘家？小冰即以私事及不想牽涉小朋友不願多談。

其他娛樂名人影片

梁小冰近日被發現與前有線主持王志海（ Brian）在街頭親熱挽手，傳出她與老公陳嘉輝夫妻感情有變，前晚梁小冰到文化中心欣賞許冠文的棟篤笑《男女戰爭》，問她為何不見老公嘉輝陪伴？小冰稱高志森只請她一人。小冰又首度公開回應與王志海的緋聞，她說：「都好 surprise，我入行咁多年第一次做雜誌封面，得啖笑，係誤會，一切都依舊不變，老公做呢行知乜事，大家好信大家，佢都笑我終於有今日。」

拒做深山小龍女

小冰解釋與 Brian是一起學戲劇的同學，老公亦認識他，那次是 Brian送她搭車：「我都要同 Brian講聲唔好意思，佢唔係呢行，我喺內地拍劇都會同對手蹺手或者食飯，呢啲好正常，可能大家覺得我拍古裝多，似深山小龍女。」至於被發現疑似執少量衣物與兒子返娘家，小冰則不願多談：「呢啲咁私人唔會答，牽涉到小朋友，唔想影響佢成長。」

放大圖片

已育有一子的梁小冰與老公陳嘉輝之間，疑出現第三者。

放大圖片

前有線主持王志海被指介入梁小冰的婚姻。資料圖片

許冠文掛住阿英 放大圖片

許冠文開騷論盡政事，更扮黃毓民在立法會掟蕉。

許冠文前晚舉行棟篤笑，在台上論盡政治、娛樂圈的荒謬事，期間又破口說了「仆街」，當晚話題有謝霆鋒、張栢芝離婚及陳冠希淫照事件，又談到城中熱話 D&G風波：「 D&G唔止唔畀影相，唔識國語都唔畀入，見啲人喺 Giorgio Armani買好多名牌行出嚟，內地同胞好有信心咁，啫啫行先，但香港人冇買到就好似冇啫啫咁，閃住行，幾荒謬吖！」說到特首曾蔭權，他稱其口號「打好呢份工」及「起錨」都很荒謬，起錨意思是叫人散水，第三個荒謬是現在民望 40點，他覺得已經無得頂，因為董建華那時腳痛得番 38點。之後提起剛過世的弟弟許冠英，一度想喊，指阿英以前不肯坐飛機，每次坐都要食鎮靜劑，他接受訪問時坦言很掛住阿英。採訪：李珮洳　攝影：陳慧安


梁小冰單拖睇許冠文棟篤笑，強調緋聞只是誤會一場。

小冰與嘉輝關係不變

前港姐梁小冰被指與友人王志海（Brian）鬧緋聞而傳出婚變，前晚她往欣賞許冠文棟篤笑時表示，與丈夫陳嘉輝的關係「一切不變」，丈夫亦認識Brian：「我同Brian係同學，佢送我搭車係正常社交，係咪我演得古裝戲多就以為我係古代人，唔可以有朋友？」她表示在內地工作時偶有跟異性唱K，但拒談是否執包袱返外家。