免費奉上的白切雞意大利包、長法包、黃薑包等，綿密好吃，大讚！侍應亦主動問要不要添吃，夠細心。

試食王

食包就夠！

2013年02月14日 ~~ 第1197期香港《壹周刊》

名廚相繼攻港，今次輪到法國麵包大師 Eric Kayser。在法國、美國、韓國、日本都見他的店鋪， 96年到現在於全球開設近百間麵包店後，終於進軍香港，揀人流旺的海運大廈。麵包店旁邊就是 cafe，小小的麵包店放滿二三十種麵包，全日不停新鮮出爐，而且可以試食，非常吸引，索性去 cafe坐低慢慢歎。

裝修簡潔有型，掛滿手做麵包的相片，很有歐陸小店風格，加上海景陪襯，以大師的名氣和餐廳的格局，午餐$88至$128，抵喎。單點選擇以歐陸菜為主，頭盤煎鴨肝、主菜烤羊架、牛角包漢堡等，雖然選擇不多，但傳統及創意俱備。落單後，先送上麵包籃，長法包、白切雞意大利包、黃薑包等，幾款都有，可以一次試勻多種口味，實在解決了在麵包店樣樣都想買想試的煩惱！長法包外脆內軟富麵粉香，混入薑蓉、葱和雞肉絲的白切雞 ciabatta，更是充滿薑葱的香口，黃薑包亦清香，而且每款包鬆軟綿密但質感實在，吃多兩片都有少許飽意，不似某連鎖店出品，只得幾十克重食完都唔飽！計落，這裡麵包十多廿元，其實好合理。
麵包籃令人滿意，但問題來了，頭盤的煎鴨肝上枱時，實在嚇一跳，又細件又煎得太乾，和麵包的質素落差太大吧？好在其餘菜式，賣相似 fine dining精緻補回分數，分量也夠，但味道只屬一般，都係嗰句，同麵包的級數有一段距離！如果是一間普通餐廳 cafe，這樣的出品你也會自自然然接受，但現在以大師名字開餐廳，食物只係中規中矩？既然麵包可以做得這樣出色，又用天然酵母、又長時間發酵，肯花心思時間炮製麵包，也應該注重其他出品。否則，幫襯麵包店就夠了。

Eric Kayser Burger$138
牛角包很鬆脆，充滿牛油香，很好吃，可惜漢堡扒不夠 juicy，塗在扒上的牛油又凍又膩，伴碟的薯條亦不夠熱辣香脆。

烤羊架$128（午餐連頭盤）
賣相和分量都吸引，味道合格，以午餐價錢來計，抵食。

煎鴨肝配多士$128
鴨肝 size細過伴菜，煎得老又不夠油潤，反而多士更好吃。

午餐頭盤可選湯或多士，番茄多士新鮮好吃，可惜旁邊的生菜生銹，扣分。

烤大蝦$198
大蝦肉質實淨，亦沒有雪藏味，伴碟的飯加入蔬菜烹煮，帶忌廉香，中規中矩。

評分

食物：★★★
服務：★★★★
環境：★★★ 1/2
價錢：★★★★

Eric Kayser

地址：尖沙咀海港城海運大廈 G14-G15鋪
電話： 2736 2884

對着海景之餘，座位不逼狹，舒服好坐。

飲食特務 B
山頂過週末抵食 tea buffet

放假 weekend想搵地方陪小朋友玩？不妨考慮上山頂， Cafe Deco於星期六推出 tea buffet，廿多款食物，甜品和鹹點都有。推介新鮮出爐英式鬆餅，配上總廚自製紅梅玫瑰果醬，還有朱古力榛子餅、藍莓芝士餅、檸檬捲筒、法式焦糖泡芙等，大路選擇有齊。鹹點有迷你漢堡、雞沙嗲、加州卷等，小朋友都啱食。價錢合理，加$80更可任飲有汽葡萄酒及果汁，三個鐘慢慢歎。

峰景餐廳
地址︰山頂道 118號山頂廣場一樓及二樓
電話︰ 2849 5111
供應時間︰星期六 2:30pm-5:30pm
價錢︰成人$188，小童$98（包飲品一杯）

二月限定
Little Twin Stars

另一個小朋友好去處，就係新蒲崗 Mikiki商場，地下中庭增設 5米 Twin Stars朱古力蛋糕小屋，內裡是烘焙室，放滿做甜品的裝飾，布置可愛，小朋友肯定鍾意。場內餐廳亦推出 Little Twin Stars情人月限定甜品，例如雪糕窩夫、熱朱古力都畫上 Twin Stars圖案，啱細路仔，亦啱女朋友仔。

Mikiki× Little Twin Stars甜蜜會館
日期︰即日至 2月 28日
地址︰新蒲崗太子道東 638號 Mikiki地下中庭
電話： 3980 9930