上流滙 「宇宙最強」甄子丹，深得廣告商歡迎，帶挈老婆汪詩詩亦受惠。最近汪詩詩獲邀拍瑪姬美容纖體廣告，簽約成為香港和中國地區代言人，穩袋百萬。首拍纖體廣告，她原想去到盡，不設底線。但老公甄子丹擔心老婆拍廣告蝕底，事前就向老婆列出五大規條，連她擺的甫士也要過問。
老公開的規條要守，汪詩詩今次拍廣告，可謂過五關斬六將。她說：「老公話性感唔係問題，個post最緊要。佢好緊張，成日話你唔好咁露咁露！」
原來甄子丹是「世紀最嚴」老公。
31歲的汪詩詩與甄子丹結婚8年多，育有一對仔女。二人出晒名恩愛，今次老婆拍纖體廣告，甄子丹全程跟到足。她冧爆說：「佢緊張過我，望過份合約之後，每part都俾好多意見。」
五大規條
1．不可穿比堅尼 2．合約要過目 3．國內宣傳要有保鑣 4．不可影響子女相處時間 5．忌擺彎身甫士
遙距監視
上周一（11日），汪詩詩到柴灣影樓拍廣告，身邊有妹妹汪圓圓、助手及化妝師等5人服侍，排場十足。她說：「好耐無試過咁多造型，之前接job多數同老公一齊，好似家庭式咁，佢先放心。我一路都唔肯做代言人，因為我覺得好大壓力，要keep得好好對個客交代。但最近我諗，如果到我老咗，可以有啲相俾小朋友睇，等佢哋知道，嘩！你媽咪以前都幾靚，都瘦㗎!」她沾沾自喜說。詩詩化完妝後未夠十分鐘，電話即時響起，她笑說：「老公依家拍緊戲，不過成日問住個進度，頭先突然打嚟，我以為佢要嚟，搞到我好緊張。佢就話：『我要俾啲壓力呀！』」老公咁緊張，她更見小心，每換一個造型，都要身邊人細心檢查才開始拍攝。
派姨仔檢查
提到性感尺度，詩詩滿有信心：「老公都知道我形象不嬲係健康，佢自己係呢行，所以都好接受性感，只要影出嚟啲相健康、靚，佢都ok。」不過接受還接受，影相的甫士就要由妹妹汪圓圓把關。「性感唔係問題，個post最緊要，唔可以做啲感覺唔舒服嘅動作。老公都好緊張，成日話你唔好咁露咁露呀！」而作為姐夫御用把關員的汪圓圓則說：「姐夫特別緊張家姐，所以我都會影低家姐每一個甫士俾佢過目。」今次成為香港和中國代言人的汪詩詩，除了要出席香港的宣傳活動，更將會飛到成都宣傳。她說：「佢（子丹）睇到個合約，知道要去成都，反應好大就話：『嗰度好亂喎，要請保安、保鑣。』」汪詩詩聽後即反駁他，「可能你好紅至多人睇你，你先覺得好亂，但我未必同你一樣咁嘅情況！」據知甄子丹完成手頭上的電影後，決定親身陪老婆到成都宣傳，「佢話都係唔放心，咁老公講嘅嘢都要聽嘅！」兩公婆真係寃氣到暈。
家庭觀念甚重的甄子丹，一有時間都會帶老婆汪詩詩跟父母返美國探親， 更會帶小朋友到迪士尼玩。汪詩詩說：「接job第一件事係唔可以影響到同小朋友相處時間。」
百萬媽咪瘦身兵團
潮流興纖體，不少女藝人亦成為纖體代言人，當中的媽咪級組別，身價更高達百萬，靚媽依然有價有市。
41歲的鍾麗緹，已是3女之母，向來形象性感的她，多年來成為瑪花纖體廣告生招牌，年年穩袋百萬酬勞。
溫碧霞
45歲的溫碧霞，除了是內地整形院代言人，亦做過不少纖體代言人。繼當年簽約皇室纖形，近年又成為莎莎美容纖體中心代言人，更以三點式大騷fit爆身材，身價愈跳愈高。
袁詠儀
41歲的袁詠儀，當年為張智霖誕下囝囝慕童後，體形暴脹至146磅。之後她以七位數字簽約修身堂做纖體代言人，廣告只於內地播放。 ####
其中的Deep V裙造型，甄子丹反應最大。汪詩詩說：「影完相當晚， 老公有望過啲相， 見到條Deep V裙， 就話：『吓！呢個咩嚟㗎！』」
身高5呎9吋的汪詩詩，只有115磅，難怪細碼裙都要加夾仔收緊。
汪詩詩身邊有助手、化妝師等5人服侍，妹妹汪圓圓亦全程實，她說：「我喺家姐身邊，姐夫就好放心。」
留言列表
{{ article.title }}
