張智霖在上海拍戲兩個月，老婆袁詠儀帶埋囝囝魔童等一家大細，去上海為Chilam慶祝父親節。兩仔爺重逢，興奮到在酒店房大玩雜耍。
星期日父親節，不少藝人都返屋企陪老竇，做個孝順仔女。除咗網上大晒溫馨，更一齊在網上發放創意，好似張智霖同囝囝就表演「雜技」娛賓，賭王同超蓮亦影咗一張得意自拍照，實行與眾同樂。
鍾鎮濤女兒識做
鍾鎮濤近日到台灣宣傳新碟，並在新碟發布會和女兒鍾懿合唱〈爸爸的話〉，阿B將相片上載，慶祝父親節同時，又可以為新碟宣傳，一舉兩得。
傅明憲新舊對照
傅明憲將自己與父親傅奇的新舊合照，放上微博俾大家對照。傅奇是六十年代靚仔紅星，傅明憲得他遺傳，小時候幾可愛。
周永恆一家貞子
論最破格的父親節照片，周永恆、老婆趙梓淇及兩歲囡囡嘅鬼臉合照一定入圍，一家人齊齊反眼chok樣，非常惹笑。 ####
Chilam同魔童玩得開心，只係辛苦咗日頭陪完Chilam父子玩兼做攝影師嘅靚靚，晚上就同袁爸爸一起和上海親友食飯慶祝。
留在香港的大女鍾嘉晴，雖然不能同阿B共度父親節，但就精心炮製「iDad」父親節卡，遙距送給阿B。
超蓮同父親兩父女低抄玩自拍，超蓮嘴嘟嘟，賭王就口擘擘配合，父女都好精靈。
猷啟在英國讀書，未能返港。影全家福時，超雲叫陳山聰企正中間影「全家福」，「準女婿」地位顯而易見。
全站熱搜
留言列表
{{ article.title }}
