我愛蘿蔔，更愛泡菜，都係伊支棒！（設計對白）濱崎步近年人氣江河日瀉，大不如前，雖然仍竭力keep住一個後天打造嘅「靚樣」，可惜副尊容連整容醫生都大彈話愈整愈唔掂，愈嚟愈膠樣。台灣《壹週刊》圖片
日本天后濱崎步閃電離婚後，不單迅速翻撻分咗手7年嘅長瀨智也，最近又緊追泡菜肌男歌手、25歲嘅JUNO。


34歲嘅步姐對JUNO真係寵愛有加呀！除咗搵佢做MV男主角、推薦佢拍廣告外，仲不時拖出拖入。雖然新歌《Party Queen》令呢位日本天后慘嘗未能登上Oricon大碟榜冠軍嘅爆滋味，但對步姐嚟講，this is no big deal，事關佢依家不知幾忙，一邊要緊箍蘿蔔舊愛、一邊又掛住「照顧」泡菜新歡，日子過得非常充實囉！ ####


濱崎步同奧地利籍奀星Manuel Schwarz閃婚一年後即宣告離婚。


早前步姐嚟香港出席活動，都拖埋JUNO一齊。


JUNO亦係JYJ當紅成員金俊秀（小圖）個大佬，一直喺日本發展，最近俾步姐睇中，連拍廣告都預埋佢一份（上圖）。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄