6月13日三人逛超市觀音兵甲朱敏瀚 20歲觀音兵乙楊潮凱 27歲上周三（13日），樂瞳與楊潮凱在長洲拍劇後，去ifc行街，途中殺出個朱敏瀚，三人在超市的試食counter，懷疑在場有人拍照，不停四處張望。
25歲的「宅男女神」樂瞳，出道七年，深受男孩擁護，不單與無綫劇《點解阿Sir係阿Sir》中的K4三名成員傳過緋聞，更曾與細自己5年的朱敏瀚（Brian）在街邊互餵魚蛋。近日有指樂瞳拍新劇《情越海岸線》，與同劇27歲的楊潮凱行得好埋。上周三（13日）兩人在ifc行街，途中卻殺出電燈膽朱敏瀚，結果三人行一個「嬲」字。雖然兩位觀音兵勁冇癮，不過樂瞳似乎勁享受。
本周一（18日），樂瞳與楊潮凱在屯門拍外景，對於被兩男力追，樂瞳承認與他們感情要好，未有諗過要揀邊個做男朋友。楊潮凱亦表示對女方有好感。
拍外景黐到實
本周一（18日），《情》在屯門咖啡灣拍攝一場打排球戲，楊潮凱終可獨霸樂瞳。當日下午突然下大雨，所有演員要上車暫避，楊潮凱把握機會為樂瞳大獻殷勤，兩人一傘雨中漫步，如情侶般步行到TVB外景車。雨停了，楊潮凱又為樂瞳打傘一起返回沙灘。事業起飛，又有兩男力追，樂瞳回應時顯得飄飄然：「佢兩個都對我好好，我哋三個係好朋友，之前拍劇已經好friend，平時都有一齊出街食飯。（上星期你哋去ifc行街，兩個男仔有拗撬喎。）好朋友先會有拗撬，大家都唔會擺喺心，咁以後盡量唔安排佢哋同場囉，哈哈！（依家兩個都力追你，你揀邊個？）我唔會揀細過我嘅男仔，一定要成熟，最好有才華啦！不過依家未想拍拖住。」記者再問楊潮凱是否追求樂瞳，他沒有正面回答：「我同Cilla係好朋友，佢好nice，我哋合作過幾套劇，同佢一齊好開心。（有冇信心追到佢？）我只可以講同佢好夾，其他唔敢諗。」樂瞳一日唔揀定，身邊都仲有觀音兵隨傳隨到，何樂而不為呢？
去年黐花𡃁
去年5月，樂瞳與朱敏瀚被本刊影到孖住行街，態度親暱似拍拖，不過樂瞳堅稱當對方是弟弟看待。
兩男火併樂瞳在揀燕麥片期間，兩男突然嘈起上來，記者聽到楊潮凱（左）說：「有機有益好多，你識咩？」朱敏瀚回應：「我都唔食嘅，點知！」
負責埋單楊潮凱全程傍實樂瞳，買咗一大籃食物，去到收銀處男方負責埋單，樂瞳繑埋雙手，而情敵朱敏瀚則木無表情大墮後，輸晒！
6月18日當日中午，《情越海岸線》在屯門拍外景，由於掛起一號風球，不時下大雨。請大家留意，樂瞳與楊潮凱本來是一人一遮的。
留言列表
{{ article.title }}
