等待接父親離開醫院時，熊黛林就在車上玩iPad解悶。Lynn素顏都好索，不過佢眉頭一直緊皺，似乎為父親同婚事煩惱。
前排熊黛林戴上郭富城所送嘅鑽戒出席活動，不過一被問到婚期，冧爆嘅熊黛林即推說：「你哋問番佢啦！」令今年結婚傳聞更言之鑿鑿。不過媽咪姐收到風，話城城經理人小美不滿熊黛林高調談婚訊，會影響城城的事業，要熊黛林委屈收口。


可憐熊黛林有婚結不得，加上父親罹患肝癌，更是身心疲累。早前媽咪姐見到熊黛林親自駕車接送父親到養和醫院診治，熊黛林一直眉頭深鎖。本周日（17日），城城到馬場出席活動，佢唔敢多講婚期，只係話未有計劃成家立室，成盆冷水淋落恨嫁姑娘熊黛林頭上。唉，父親健康欠佳已經煩，喺呢個咁需要男人呵護嘅時候，偏偏城城又唔嗲唔吊，又難怪佢心煩嘅！


父親患病據知為咗醫好熊爸爸個病，單是診治費已花去逾百萬元。當日所見，熊爸爸精神幾好，而身旁的熊黛林就以手遮面，不願素顏示人。


當日熊媽媽都有陪丈夫睇醫生。遺傳咗一對大眼睛俾女兒嘅熊媽媽，近日已返回家鄉，陪同丈夫養病。


男友不婚城城周日被問及婚期時，只係答：「我向來都冇家庭觀念，不過總有一日會成家立室，但係未有計劃。」他身後的小美一見記者就快閃。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄