動作慢啲！記者未影夠㗎。﹙設計對白﹚
思捷向來都口甜舌滑識做人，呢日有媽咪姐從旁住，開車門俾女友呢啲門面嘢，點可以慳呀！
早排因為《福祿壽》而勁hit嘅李思捷，多次俾雜誌踢爆背住正印春卷（王寶寶）外出溝女，仲愈食愈狼，最近就被影到喺中環溝金髮女郎，真係睇見都眼寃！


話口未完，上周三（13日）媽咪姐同大班傳媒朋友去中環IFC行街街，就撞到春卷好高調咁繑住李生出巡，班行家梗係撲上前影番夠本，春卷即刻鬆手兼黑面。經驗老到嘅思捷呢？就繼續劉華上身，表現淡定，媽咪姐問佢跟住去邊度食飯？呢位扮嘢專家仲細細聲同女友講：「封嘴！」後尾落到停車場見無記者跟住，思捷忍唔住問：「今日咁多人嘅？有活動咩？」媽咪姐梗係即刻話因為佢係大星，所以個個爭住影，思捷聽完後當堂成個精神晒！仲好有紳士風度咁㩒住門俾媽咪姐行先，臨行前又唔該前唔該後揮晒手say bye！有正印喺身邊，男人果然唔同啲喎！ ####


早前仲係揸緊波子（保時捷），話咁快就換咗架火紅色法拉利喇！雖然都係二手貨，市場上都係70萬有找，不過話晒一級跑車，用嚟溝女攞唔少分㗎！


行行吓都撞到大批記者，思捷心情靚靚笑晒，可憐春卷即時黑面，鬼咩！阻住人家拍拖嘛。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄