余文樂解釋誤以為LuLu是他一個朋友，但呢個誤會竟維持咗年半咁耐。
本刊率先爆余文樂與嫩模LuLu（王璐瑤）及Ceci（顏后君）的三角關係，令余文樂的「機機」情慾短訊，火速成為熱話。余文樂堅稱不認識兩位模，更指被模擺上枱。不過，短訊女主角LuLu咬住唔放，大晒與余文樂交換過的「牀照」，更爆余文樂要求她送上叫牀錄音。齋睇浴照聽叫牀聲撲唔到火嘅余文樂，試過四度硬闖香閨求歡。她說︰「佢渴（飢渴）到要我叫（叫牀）俾佢聽，仲試過四次，凌晨時分飲醉酒衝去我屋企樓下，要我俾佢入屋，但我唔敢，因為怕佢獸性大發。」
聽叫牀聲「機機」
「後來佢嫌齋睇相都唔夠，叫我錄啲叫牀聲嘅錄音俾佢，等佢『機機』嗰陣興奮啲。之後我哋仲進展到傾電話㖭，佢試過喺電話度叫我嗌（叫牀），之後我就聽到佢嘅喘氣聲。雖然好似好變態，但又好刺激。phone sex冇身體接觸，我唔覺得蝕底囉。」嗜玩phone sex的余文樂，都係嫌唔夠喉，最後要搵「真人」發洩。他與LuLu的短訊中，顯示他曾四度衝去LuLu香閨樓下，然後狂call LuLu，話要即刻上樓找她「慰藉」。 LuLu說：「佢試過好多次約我去佢屋企，話唔鍾意出街。咁佢係大明星，避忌都好合理。但其實我一直只係貪玩，冇諗過同佢有性關係。加上佢試過發酒癲，凌晨四點突然狂call我，話喺我屋企樓下，仲話要上嚟搵我，我真係怕咗佢。
飲醉人肉速遞
「其實唔止一次，我聽得出佢飲咗好多酒，佢次次都會猛咁打電話催我，然後大嗌『我要上嚟，我要上嚟』咁，我真係驚佢會亂嚟，所以次次都係敷衍佢放佢飛機。之後佢都知衰，會打電話同我道歉，話唔好意思，驚嚇親我，不過隔一排佢又會再嚟料。」雖然LuLu冇俾余文樂入屋，但她十分懂得吊余文樂胃口，每次放完對方飛機，轉頭又以「想嗲吓你先，跟住攬住你，跟住你決定」的短訊來誘惑余文樂，加上keep住交換浴照，令余文樂無限遐想。
求歡不遂爆粗
LuLu表示余文樂心靈空虛，多次向她透露寂寞及苦悶，她坦言余文樂試過求歡不遂，爆粗鬧人。「其實佢個人好dry，內心好寂寞，如果唔係，佢都唔會渴（性飢渴）到要我叫（叫牀）嚟解決生理需要。試過有次佢要上我屋企，我唔俾，佢發老脾爆粗：『黃大仙都冇你咁×寸！我余生打個電話，咩女都有啦！』不過佢轉頭咪又搵番我。」被爆玩phone sex的余文樂，事發後表示唔識LuLu，又指LuLu只是假扮一位朋友和他聯絡。顯然余文樂企圖和兩位女主角劃清界線，但解釋頗為牽強。他周一返港出席《車手》首映時，堅持話自己唔識LuLu同Ceci，只謂：「我以後會更加小心，總之唔識嘅電話一定唔覆，就算你話係我阿媽我都唔會覆。」色字頭上一把刀！本來諗住玩phone sex溝女的余文樂，今次惹着拍過露點戲的豪放女LuLu，搞到一身蟻，被擺上枱都局住冇聲出，風流真係要付代價。
靠自瀆逃避社會
臨牀身心行為學家李寶能表示，余文樂要聽女方叫牀聲來自瀆的做法，歸根究柢是因為日常生活得不到滿足。李寶能表示：「呢類人唔想面對人際關係帶來嘅麻煩，佢哋覺得咁樣可以逃避社會，從而保留自主。雖然呢種接觸並唔可以完全令當事人滿足，反而可以令嗰份樂趣持續。不過，如果情況嚴重，就會令當事人傷害到自己嘅人際關係。」對於余文樂醉酒之後會失控求歡，李寶能指出：「平日太過抑壓自己嘅人，就會藉住飲醉酒嘅時候失控，達到表現『真我』嘅目的。不過，人其實係需要理智去控制自己，余文樂呢個情況如果持續落去，原則上不利佢同異性發展感情。」
Ceci男友鬧：咪再騷擾我女友！
另一邊廂同余文樂夜會嘅另一模Ceci，原來已經有一名叫Kitt嘅dancer男友。夜會余文樂相片曝光後，據知兩人吵大鑊，最後Ceci補鑊話唔再見余文樂才告平息。Ceci亦話：「對男友因為呢件事不快而感無奈。」記者問Ceci，余文樂究竟有冇send過啲情慾短訊俾佢，她即劃清界線：「我唔想講， 因為我已經有個好穩定嘅男朋友。佢都知嗰晚我肯出去，係同余文樂講清楚， 余文樂有叫我上車，但我唔肯，我要講嘅係咁多。」記者亦就此事致電Ceci男友Kitt，Kitt躁爆話：「我信我女朋友同余文樂無嘢，我只係想同余文樂講，唔該佢咪再騷擾我女友！」 ####
牀照曝光為咗取悅余文樂，LuLu曾經以自己的浴照及牀照，交換余文樂的「飛毛腿浴照」。
索叫牀聲
LuLu在短訊中，反誘余文樂，話自己要「機機」，又主動send叫牀聲他。
余文樂不時向LuLu索取浴照及叫牀聲，而LuLu為咗引誘余文樂，亦曾send叫牀錄音俾佢，難怪余文樂如癡如醉。
LuLu色誘
能夠令余文樂甘心被放飛機4次，LuLu當然久唔久有俾余文樂甜頭。
硬闖香閨
余文樂至少試過四次，忽然到女方屋企樓下，話要上去找LuLu，卻遭女方拒絕。
余文樂話唔識自己，LuLu愈諗愈唔甘心，在記者連番追問之下，LuLu終於忍唔住爆大鑊。
食雪糕降火戲內戲外慾火上升的余文樂，請埋導演鄭保瑞及其他工作人員齊齊陪佢食雪糕降火。
同余文樂飾演情侶嘅大S，等埋位時，寧可同導演匿埋一邊吹水嘆冷氣都唔敢埋樂仔身邊。
上星期五（15日）Ceci與LuLu在一個開幕活動同場，但二人當對方透明，昔日姊妹情不再。
LuLu同Ceci在場內 VIP區碰面，Ceci（左）即刻拉住好友吹水，避免與LuLu眼神接觸。
留言列表
{{ article.title }}
