露Pad 嘩，大大塊胸墊露咗出嚟，胡視后都算失威嘞。
今屆港姐快將誕生，成班候選港姐正在英國接受特訓嘅時候，一班師姐本應為師妹示範一下儀態，點知反而齊齊做咗反面教材。本周日（17日），「精英盃」喺沙田馬場舉行，樂易玲帶住一班無綫藝人出席，胡杏兒身為99年港姐季軍，竟然不慎露pad，影咗超過五分鐘相，要記者提醒至察覺；加上佢近日心廣體胖，巨躉原形畢露，背部花斑斑仲着露背裝，真係扣晒分。


至於舊年港姐冠軍朱晨麗，着住條貼身金色短裙到場，本來好sharp醒，但佢稍微擰身已露出pad邊，點知佢仲傻吓傻吓，繼續左擰右擰，卒之陪杏兒瘀埋一份。 ####


背脊花胡杏兒背部皮膚好多一撻撻，仲着露背裝，真係咩美感都冇晒。


現巨躉好大個躉呀，唔通肥田回歸拍《肥田喜事》續集？


同場朱晨麗（右）都露Pad，一齊嘅去屆亞軍朱希敏，見到朱晨麗走光都唔提吓水，果然係「好姊妹」。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄