未見過人走難用 LV咩?（設計對白）

時近年尾，媽咪姐呢排成日去機場接機，招呼吓親朋戚友。遠就遠啲，但咁又俾我見到唔少稀客喎！早幾日之嘛，就見到失蹤咗一排嘅章小蕙，佢一個人出閘，但就有四、五個 LV行李喼「殿後」囉！嘩，仲有一個司機幫手推，都好有排場㗎。

媽咪姐見咁大陣仗，直情似走難返香港咁款，咪八卦問吓佢近況啦！但章小姐一味顧住行，十問九唔應，一支箭咁行咗去坐車走人。唉，放心喎！媽咪姐唔係范姜、 B哥，唔會同你動氣嘅，係見你戴住咁大頂帽，仲耷低頭行，提你小心睇路啫。



章小蕙夜晚九點幾現身機場，自己拖一個 LV喼，然後由一位着住制服嘅司機哥哥推住成棟 LV喼，陪住出閘㖭！

好 fashion嘅章小姐，沿路戴住頂好 fashion嘅絨帽。但你都要睇路至得㗎，撞到人就唔好啦。

早前，鍾鎮濤同范姜涉嫌刑毀章小蕙細妹手機被控，上月終獲撤銷控罪， B哥開心到飛起。依家章小姐回歸，希望唔會再起風雲啦！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄